Рамазон Раҳимзода бо Дэвид Рубино самтҳои ҳамкории муштаракро баррасӣ карданд

Март 30, 2017 17:27

ДУШАНБЕ, 30.03.2017 /АМИТ «Ховар»/. Имрӯз Рамазон Раҳимзода, Вазири корҳои дохилии Ҷумҳурии Тоҷикистон бо ҳайати филиали Ассотсиатсияи ҳуқуқшиносони Амрико дар Ҷумҳурии Тоҷикистон (АБА-РОЛИ) таҳти роҳбарии директори Ассотсиатсияи мазкур Дэвид Рубино мулоқот намуд.
Зимни вохӯрӣ Рамазон Раҳимзода ба Дэвид Рубино барои ҳамкории пайваста дар самти волоияти қонун дар Тоҷикистон, кумак дар омодасозии кадрҳо ва гузаронидани конференсия ва тренингу семинарҳо изҳори миннатдорӣ намуда, зикр кард, ки ҳамкории Вазорати корҳои дохилӣ бо ин Ассотсиатсияи бонуфуз ҳанӯз аз солҳои аввали соҳибистиқлолии Тоҷикистон шурӯъ гардида, дар самти мукаммал намудани қонунгузорӣ ва соҳаҳои гуногуни фаъолияти мақомоти корҳои дохилӣ натиҷаҳои назаррас ба бор овардааст.
Дэвид Рубино, Директори филиали Ассотсиатсияи ҳуқуқшиносони Амрико дар Ҷумҳурии Тоҷикистон (АБА-РОЛИ) изҳор дошт, ки ҳамкорӣ бо мақомоти корҳои дохилӣ, аз ҷумла бо Академияи Вазорати корҳои дохилии Ҷумҳурии Тоҷикистон пурсамар ба роҳ монда шуда, як қатор тренингу семинарҳо доир гардида, китобҳои дарсӣ ба табъ расонида шуд. Дар ин ҷода саъю кӯшиши курсантони Академия дар омӯхтани илму дониш ва паҳлӯҳои гуногуни илми ҳуқуқшиносӣ боиси таҳсин аст.
Дар мулоқот ҷонибҳо барои боз ҳам тақвият додани муносибатҳо ва дигар мавзӯъҳои мавриди таваҷҷуҳ табодули афкор намуданд.

Март 30, 2017 17:27

Хабарҳои дигари ин бахш

Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд