Сафорати Тоҷикистон дар Қирғизистон иди Наврӯзро пуршукӯҳ таҷлил кард

Март 25, 2017 11:03

ДУШАНБЕ, 25.03.2017 /АМИТ «Ховар»/. Дар Сафорати Ҷумҳурии Тоҷикистон дар Ҷумҳурии Қирғизистон 23 март барои намояндагони вазорату идораҳои гуногун, муассисаҳои олии таълимӣ, зиёиёни илмиву эҷодии Ҷумҳурии Қирғизистон, ҳайати дипломатӣ ва ташкилотҳои байналмилалӣ, ҳамчунин намояндагони ҷамъияти тоҷикон ва зиёиёни тоҷике, ки дар Ҷумҳурии Қирғизистон истиқомат мекунанд, бахшида ба Иди байналмилалии Наврӯз қабули расмӣ ташкил карда шуд.
Дар ин рӯз ҳавлии Сафорат ба фазои фарҳангу таърихи ҳазорсолаи тоҷик табдил дода шуд. Меҳмонони маросим бо анъанаҳои асосии ҷашни Наврӯз шинос карда шуданд.
Дар назди меҳмонон Сафири Фавқулода ва Мухтори Ҷумҳурии Тоҷикистон дар Ҷумҳурии Қирғизистон Сӯҳроб Олимзода сухан гуфт. Сафир ҳамчунин зикр намуд, ки ҷашни қадимии Наврӯз мутобиқи қатъномаи СММ иди байналмилалӣ эълон гардида, ҳар сол 21 март дар тамоми ҷаҳон ҷашн гирифта мешавад.
«Наврӯз  оғози зиндагии нав буда, таҷассуми пирӯзии некӣ бар бадӣ, таблиғгари ғояҳои некӣ, меҳрубонӣ, дӯстӣ ва таҳаммулпазирӣ мебошад»,-иброз  дошт Сафир.
Махсусан ба меҳмонон барномаи консертӣ писанд омад. Дар рӯзи ҷашн  донишҷӯёни тоҷик, ки дар муассисаҳои таълимии олии гуногуни Қирғизистон таҳсил менамоянд, барои меҳмонон санъати волои худро нишон доданд.

Март 25, 2017 11:03

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт