Шариф Комилзода: «Матбуот қодир аст бо сухани созандаву саривақтӣ рисолати худро дар назди халқу ватан сарбаландона иҷро намояд»

Март 9, 2017 12:17

ДУШАНБЕ, 9.03.2017 /АМИТ «Ховар»/. Дар Пажӯҳишгоҳи илмӣ- тадқиқотии фарҳанг ва иттилооти Вазорати фарҳанги Ҷумҳурии Тоҷикистон таҳти унвони «Матбуоти даврӣ ва проблемаҳои замони муосир» ҷаласаи илмӣ доир гардид.
Дар ҷаласа Шариф Комилзода, директори Пажӯҳишгоҳи илмӣ- тадқиқотии фарҳанг ва иттилоот иброз намуд, ки матбуот ба ҳайси оинаи миллат дар баррасиву муаррифии тамоми паҳлӯҳои ҳаёти ҷомеа нақши калидӣ дорад ва он қодир аст бо сухани созандаву саривақтӣ ва саҳеҳу нишонрас рисолати худро дар назди халқу ватан сарбаландона иҷро намояд.
«Дар даврони истиқлолият мабуоти тоҷик тавонист, ки мувозинати фазои иттилоотии кишварро бо пешниҳоди маводи ҷавобгӯ ба замона таъмин намуда, дар рақобат бо матбуоти хориҷӣ барои ҳифзу гиромидошти дастовардҳои илмиву фарҳангии Тоҷикистон ва муаррифии арзишҳои миллӣ саҳми назаррас гузорад. Зимни таҷлили 100- солагии матбуоти тоҷик Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон махсусан чунин таъкид намуданд: «Манфиатҳои миллӣ ва суботу оромии ҷомеа тақозо менамоянд, ки ВАО- и ватанӣ на танҳо дастгоҳи тавонои хабарӣ бошанд, балки дар муборизаи иттилоотӣ барои ҳифзи манфиатҳои миллӣ ва амнияти давлат ба ҷомеа хизмат кунанд. Тавре аз мазмун ва моҳияти қонунгузории мамлакат оид ба воситаҳои ахбори омма бармеояд, таъмини амнияти итилоотӣ яке аз самтҳои асосии фаъолияти онҳо мебошад»,- гуфт Шариф Комилзода.
Ҳамчунин директори Пажӯҳишгоҳи илмӣ- тадқиқотии фарҳанг ва иттилоот баён намуд, ки тибқи маълумоти Вазорати фарҳанги Ҷумҳурии Тоҷикисон имрӯз дар кишвар 359 рӯзнома (104 адад давлатӣ ва 254 адад ғайридавлатӣ), 322 маҷалла (105 давлатӣ ва 127 ғайридавлатӣ), 300 матбаа (35 давлатӣ ва 265 ғайридавлатӣ) ва 11 агентиҳои иттилоотӣ (1 давлатӣ ва 10 ғайридавлатӣ) фаъолият мекунанд.

Март 9, 2017 12:17

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд