Шариф Саид: «Тоҷикистон кишварест дорои имкониятҳои зиёд барои рушди тиҷорат ва ҳамкорӣ»

Март 16, 2017 17:01

ДУШАНБЕ, 16.03.2017. /АМИТ «Ховар»/. Дирӯз Раиси Палатаи савдо ва саноати Ҷумҳурии Тоҷикистон Шариф Саид бо намояндаи Агентии ИМА оид ба рушди байналмилалӣ (USAID) дар Тоҷикистон -Роҳбари барномаи рушди иқтисоди Тоҷикистон Лаура Чизмо, сардори Лоиҳаи минтақавӣ оид ба рақобатпазирӣ, савдо ва ташкили ҷойҳои корӣ Ҷеф Райд, мутахассис оид ба идоракунии лоиҳаи рушди иқтисодии USAID дар Тоҷикистон Тоҷиддин Наҷмиддинов ва директори лоиҳаи DAI USAID дар Ҷумҳурии Тоҷикистон Парвиз Камолиддинов вохӯрӣ доир намуд. Дар ин бора аз Палатаи савдо ва саноати Ҷумҳурии Тоҷикистон хабар доданд.
Дар ҷараёни вохӯрӣ тарафҳо масъалаҳои ҳамкорӣ оид ба рушди бахши хусусӣ, муносибат ва ҳамкории Палатаи савдо ва саноати Ҷумҳурии Тоҷикистон бо намояндагии USAID барои беҳтаргардонии шароити ба амал овардани тиҷорат дар доираи баланд бардоштани иқтидори истеҳсолии хоҷагии қишлоқро баррасӣ намуданд.
Лаура Чизмо ҳавасмандии худро ҷиҳати шарикӣ бо Палатаи савдо ва саноати Ҷумҳурии Тоҷикистон баён намуда, гуфт, ки «USAID баҳри амаликунии барнома, ки барои устуворгардонии рушди иқтисоди тоҷик ва баланд бардоштани рушду нумӯи аҳолии маҳал равона гардидааст, кор мекунад».
«Тоҷикистон кишвари дорои имкониятҳои зиёд барои рушди тиҷорат ва ҳамкорист. Ба ин хотир ҳамкории дуҷонибаи мо баҳри рушду устуворгардонии тиҷорат, дастрасии тоҷирон ба бозори беруна ба манфиати ҷонибҳо хоҳад буд»,-иброз намуд Раиси Палатаи савдо ва саноати Ҷумҳурии Тоҷикистон Шариф Саид дар анҷоми вохӯрӣ.

Март 16, 2017 17:01

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд