Сокини ноҳияи Бобоҷон Ғафуров бо гумони тамаъҷӯӣ ба даст афтод

Март 28, 2017 10:10

ДУШАНБЕ, 28.03.2017. /АМИТ «Ховар»/. Дар натиҷаи гузаронидани тадбирҳои фаврӣ-ҷустуҷӯӣ аз ҷониби кормандони милитсия марди 49-солаи сокини ноҳияи Бобоҷон Ғафуров, ки қаблан бо моддаҳои 200 ва 244 қисми 1 Кодекси ҷиноятии Ҷумҳурии Тоҷикистон суд шудааст, бо гумони тамаъҷӯӣ дастгир гардид. Дар ин бора аз Вазорати корҳои дохилии Ҷумҳурии Тоҷикистон хабар доданд.
Муайян карда шуд, ки гумонбаршуда 3-юми марти соли 2017, тахминан соати 20:00 ба ошхонаи «Маҳфуз», воқеъ дар маҳаллаи Бофандаи ноҳияи Бобоҷон Ғафуров омада, марди 36-солаи сокини ноҳияи мазкурро, ки дар ҳолати мастӣ қарор дошт, лату кӯб кардааст. Баъди чунин ҳодиса, марди гумонбаршуда ҷабрдидаро ба ҳавлии истиқоматиаш оварда, изҳор намудааст, ки гӯё ӯро аз дасти шахсони номаълум, ки охиронро лату кӯб менамуданд, бар ивази 500-доллари амрикоӣ наҷот додааст. Ҳамин тариқ, гумонбаршуда бо роҳи тамаъҷӯӣ мошини шахсии ҷабрдида- тамғаи «ВАЗ-2107»-ро ба ивази «хизматаш» талаб кардааст.
«Нисбат ба далели мазкур парвандаи ҷиноятӣ оғоз гардида, тафтишот идома дорад»,-иттилоъ доданд аз Вазорати корҳои дохилӣ.

Март 28, 2017 10:10

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд