Ҳукумати мамлакат масъалаҳоеро, ки ба сиёсати давлатии ҷавонон алоқаманданд, дар маркази диққати худ қарор медиҳад

Март 31, 2017 14:42
Зиёда аз 3 ҳазор ҷавонони шаҳру деҳоти Панҷакент дар муассисаҳои олии касбии кишвар таҳсил менамоянд

ДУШАНБЕ, 31.03.2017 /АМИТ «Ховар»/. Дирӯз дар Донишгоҳи давлатии омӯзгории Тоҷикистон ба номи Садриддин Айнӣ вохӯрии Раиси шаҳри Панҷакент Ислом Зиёзода бо ҷавононе, ки дар донишгоҳу донишкадаҳои шаҳри Душанбе таҳсили илм доранд, баргузор гардид.
Ислом Зиёзода зикр кард, ки Пешвои миллат муҳтарам Эмомалӣ Раҳмон соли 2017-ро Соли ҷавонон эълон карда, таъкид намуданд, ки «Ҳукумати мамлакат масъалаҳоеро, ки ба сиёсати давлатии ҷавонон алоқаманданд, дар маркази диққати худ қарор медиҳад ва барои дастгирии иқдомҳои бунёдкоронаи ҷавонон тамоми чораҳои заруриро амалӣ мегардонад».
«Аз нахустин рӯзҳои соҳибистиқлолии кишвар Ҳукумати мамлакат ба тарбия ва дастгирии ҷавонон диққати хоса медиҳад. Ҳоло Мақомоти иҷроияи маҳаллии ҳокимияти давлатии шаҳри Панҷакент бахшида ба Соли ҷавонон бунёди Қасри ҷавонон, иншооти гуногуни варзишӣ, ҷалби бештари ҷавонон ба корҳои созандагиву бунёдкорӣ, ташкили ҷойҳои нави корӣ барои ҷавононро ба нақша гирифтааст»,- гуфт Раиси шаҳри Панҷакент.
Имрӯзҳо ҷавонони шаҳри Панҷакент бо хоҳиши худ ба сафи Қувваҳои Мусаллаҳи Ҷумҳурии Тоҷикистон шомил шуда, хизмати Модар- Ватанро ба ҷо меоранд.
Ҳоло дар муассисаҳои олии касбии кишвар зиёда аз 3 ҳазор нафар ҷавонони шаҳру деҳоти Панҷакент таҳсил менамоянд.

Март 31, 2017 14:42

Хабарҳои дигари ин бахш

Ҷавонон муқобили терроризм ва ифротгароӣ- ҳамоиш дар Донишкадаи соҳибкорӣ ва хизмати Ҷумҳурии Тоҷикистон«Ҷавонон муқобили терроризм ва ифротгароӣ»- ҳамоиш дар Донишкадаи соҳибкорӣ ва хизмати Ҷумҳурии Тоҷикистон
Ҷавонон нерӯи созанда ва пешбарандаи ҳар қавму миллат мебошандҶавонон неруи созанда ва пешбарандаи ҳар қавму миллат мебошанд
Новый рисунокХушнуд Мирзоалиев дар озмуни байналмилалии «Иншои беҳтарин» ба забони куриёӣ дар Қазоқистон сазовори ҷойи аввал гардид
DSC_0168Дар Душанбе Конфронси илмӣ бахшида ба Даҳсолаи байналмилалии амал «Об барои рушди устувор» баргузор гардид
Сарвазир1Мулоқоти Қоҳир Расулзода бо Вазири меҳнат ва шуғли Ҷумҳурии Корея
4 миллиону 500 ҳазор доллари Бонки Аврупоии таҷдид ва рушд барои марҳилаи дуввуми барқарорсозии Шабакаи обрасонии шаҳри ХоруғБарои марҳилаи дуюми барқарорсозии Шабакаи обрасонии шаҳри Хоруғ 4 миллиону 500 ҳазор доллар ҷудо гардид
вохури бо намояндагониБаррасии масоили арзёбии осебпазирӣ ва бехатарии муҳоҷирон бо намояндагони Созмони байналмилалии муҳоҷират
тасмаИстифодаи тасмаи бехатарӣ оқибатҳои садамаро бехавф мегардонад
«Баҳори ҷавонӣ» Бахшида ба Соли ҷавонон ва 20 солагии Ваҳдати миллӣ асарҳои мусаввиронро ба намоиш мегузорадДар «Баҳори ҷавонӣ» асарҳо дар мавзӯи ваҳдат ба намоиш гузошта шудаанд
Агентии захираҳои моддии назди ҳукумати Ҷумҳурии Тоҷикистон аз болоравии нархи орд дар шаҳри Хоруғ ҷилавгирӣ намудАгентии захираҳои моддии давлатии назди Ҳукумати Ҷумҳурии Тоҷикистон аз болоравии нархи орд дар Хоруғ ҷилавгирӣ намуд
Чавонон бояд«Авангард» ҷавононро ба ҷасурию пешоҳангӣ даъват мекунад
Vaktsinatsiya-oДар ноҳияҳои наздисарҳадии Тоҷикистон эмгузаронӣ бар зидди бемории фалаҷ доир карда шуд