Ҷаласаи Клуби мудирони бонкҳои марказии кишварҳои Осиёи Марказӣ, минтақаи Баҳри Сиёҳ ва Балкан дар Туркия

Апрел 8, 2017 13:22

Хабарҳои мавзӯъ

раиси БМТ дар Туркия чаласа

ДУШАНБЕ, 08.04.2017 /АМИТ «Ховар»/. Дар шаҳри Анталияи Туркия ҷаласаи 37-уми Клуби мудирони бонкҳои марказии кишварҳои Осиёи Марказӣ, минтақаи Баҳри Сиёҳ ва Балкан баргузор гардид. Дар ин бора аз Бонки миллии Тоҷикистон хабар доданд.
Ҷумҳурии Тоҷикистонро дар ҷаласа Ҷамшед Нурмаҳмадзода, Раиси Бонки миллии Тоҷикистон намояндагӣ намуд. Дар ҷаласа масъалаҳои густариши ҳамкории минтақавӣ оид ба масъалаҳои монетарӣ, бонкӣ, молиявӣ, инчунин роҳҳои мусоидат ба рушди устувори низоми молиявию бонкӣ дар кишварҳои аъзои Клуби мудирони бонкҳои марказии кишварҳои Осиёи Марказӣ, минтақаи Баҳри Сиёҳ ва Балкан баррасӣ гардиданд.
Зимни ҷаласа 13 намояндаи кишварҳои аъзо бо муаррифӣ сухан гуфтанд, аз ҷумла раиси Бонки миллии Тоҷикистон дар кори ҷаласа мавзӯи «Рушди кунунии иқтисодиёт»-ро пешкаши ҳозирин намуд.
Дар доираи сафари корӣ ба аъзои Клуби мазкур инчунин имконият фароҳам омад, ки дар самти гузаронидани ислоҳоти низоми бонкӣ, татбиқи самараноки сиёсати монетарӣ ва роҳҳои бартараф намудани буҳрони молиявию иқтисодӣ бо намояндагони кишварҳои аъзо мубодилаи андеша намоянд.
Раиси Бонки миллии Тоҷикистон Ҷамшед Нурмаҳмадзода зимни сафари корӣ бо Раиси Бонки марказии Туркия Мурат Четинкай ва Раиси Бонки миллии Гурҷистон Коба Гвенетадзе вохӯрӣ гузаронида, масъалаҳои ҳамкорӣ дар самти низоми бонкии кишвар, бозомӯзии кормандон ва мубодилаи таҷрибаҳоро муҳокима намуданд.
Боиси тазаккур аст, ки ба ҳайати Клуби мудирони бонкҳои марказии кишварҳои Осиёи Марказӣ, минтақаи Баҳри Сиёҳ ва Балкан бонкҳои марказии 25 кишвар, аз ҷумла давлатҳои ИДМ, Осиёи Марказӣ, Туркия, Гурҷистон, Исроил, Хитой ва ҷануби шарқи Аврупо шомил буда, он соли 1988 бо мақсади рушди муносибатҳои ҳамкорӣ байни бонкҳои марказӣ, омӯзиши имкониятҳои ҳамкории техникӣ дар соҳаи низоми бонкӣ ва молия, мубодилаи таҷриба дар самти танзим ва молия таъсис дода шудааст.

Апрел 8, 2017 13:22

Хабарҳои дигари ин бахш

????????????????????????????????????Ҳамкории Бонки миллии Тоҷикистон ва Иттиҳод оид ба дастрасии молиявӣ (AFI)
Форуми Сохбкорони КАЗ+ТОЧ (14)Қазоқистон баъд аз Россия ва Чин дар рушди иқтисоди Тоҷикистон ҷойгоҳи арзишманд дорад
Форуми Сохбкорони КАЗ+ТОЧ (5)Ба имзо расидани қарордод ба маблағи $ 3 миллион байни «Amitech Astana» ва «ПластСервис»-и Тоҷикистон
Бизнес Форум (2)Дар Душанбе имкониятҳои иқтисодию тиҷоратии Тоҷикистону Ӯзбекистон муаррифӣ шуданд
Доллар-0Шарҳи навбатии Бонки миллии Тоҷикистон оид ба вазъи қурби пули миллӣ ва бозори дохилии асъор
Встреча делегации Республики Таджикистан с Парламентским заместителем министра экономики, торговли и промышленности Японии (2)Баррасии истихроҷ ва коркарди маъданҳои кӯҳӣ миёни намояндагони Тоҷикистону Япония
DSC_0104Нахустин намоишгоҳи миллии молҳои Ӯзбекистон дар Душанбе ифтитоҳ гардид
Х ЗарифиСафорати Ҷумҳурии Тоҷикистон дар Токио соҳибкорони Японияро ба ҳамкорӣ даъват намуд
Конфронси Байналмилали (1)Рушди иҷтимоию иқтисодии Тоҷикистон дар шароити ҷаҳонишавӣ
мусохиба-зафарчон Бурхонзода Вазорати рушди иктисодВазъи имрӯзаи бозори дохилии асъор: оё омилҳои иқтисодие ҳастанд, ки қурби асъори миллиро мӯътадил нигоҳ доранд?
DSC_0433+Дар Душанбе Форуми байналмилалии соҳибкорони ҷавон оғоз гардид
корхонаи саноатиДар Суғд ба маблағи зиёда аз 2 млрд сомонӣ маҳсулоти саноатӣ истеҳсол шуд