Ҷамъияти Ҳилоли Аҳмари Тоҷикистон ба зарардидагони заминларзаи ВМКБ кӯмак мерасонад

Апрел 22, 2017 09:20

Хабарҳои мавзӯъ

Хилоли Ахмар-0

ДУШАНБЕ, 22.04.2017./АМИТ «Ховар»/. Ҷамъияти Ҳилоли АҳмариТоҷикистон (ҶҲАТ) тибқи дастури Ҳукумати Ҷумҳурии Тоҷикистон аз 22 апрели соли 2017 ироаи марҳилаи якуми кўмакҳои башардўстонаи Ҷамъияти Ҳилоли Аҳмари Давлати Кувайтро ба оилаҳои аз офати табиӣ зарардидаи Вилояти Мухтори Куҳистони Бадахшон оғоз намуд. Дар ин бора ба АМИТ «Ховар» аз ҶҲАТ хабар доданд.

Кўмакҳои мазкур маводи озуқаворӣ ва ғайриозуқавориро дарбар гирифта, ба 900 оилаи Вилояти Мухтори Куҳистони Бадахшон, ки 7 декабри соли 2015 дар натиҷаи заминҷунбӣ зарар дида буданд, пешбинӣ гардидааст.

Расмиёти расонидан ва тақсимоти ин кўмакҳо ба оилаҳои аз офати табиӣ зарардидаи ВМКБ мутобиқи Созишномаи ҳамкории байни Ҷамъияти Ҳилоли Аҳмари Тоҷикистон ва Ҷамъияти Ҳилоли Аҳмари Давлати Кувайт, ки  21 феврали соли 2017 имзо гардидааст,  ба роҳ монда шуда, аз се марҳила иборат мебошад. Марҳилаи ниҳоии он 20 майи соли 2017 бо иштироки бевоситаи намояндагони Ҷамъияти Ҳилоли Аҳмари Давлати Кувайт ба анҷом расонида мешавад.  Дар маҷмуъ ин кўмакҳо 500 000 доллари ИМА-ро ташкил намуда, ба ҳар як оила 50 кг орд, 3 литр равған, 5 кг биринҷ, 5 кг шакар, 5 кг макарон, 5 кг лубиё, дигар маводи хўрока, ҳамзамон маводи ғайрихўрока, аз қабили ангишт, бухорӣ (печка), кампал, бистар, болишт, таҷҳизоти сохтмонӣ, бастаи гигиенӣ, маводи ошхона ва ғайраро дарбар мегирад.

Тақсимоти ин кўмакҳо аз ҷониби ихтиёриёни Ҷамъияти Ҳилоли Аҳмари Тоҷикистон дар ҳамкорӣ бо мақомоти иҷроияи ҳокимияти давлатии Вилояти Мухтори Куҳистони Бадахшон ва шаҳру ноҳияҳои  ин вилоят амалӣ карда мешавад.

Мавриди зикр аст, ки Ҷамъияти Ҳилоли Аҳмари Тоҷикистон бо дастгирии Маркази хайриявии Шоҳ Салмони Арабистони Саудӣ баъди рух додани ин офати табиӣ оғоз аз моҳи декабри соли 2015 то моҳи майи соли 2016 ба 1500 оилаи Вилояти Мухтори Куҳистони Бадахшон чунин кўмакҳои башардўстона дастрас намуда буд.

Ҷамъияти Ҳилоли Аҳмари Тоҷикистон яке аз кӯҳантарин созмонҳои башардӯстона дар кишвар буда, пайваста ба мардуми ниёзманд дасти ёрӣ дароз мекунад. ҶҲАТ дар ироаи ёрии башардӯстона ба қурбониён ва осебдидагони  офатҳои табиӣ, аз ҷумла сел, лағжиши замин, хушксолӣ ва зилзилаҳо, ки мутаассифона, зуд-зуд дарТоҷикистон рух медиҳанд, нақши асосӣ мебозад. Ҷамъият дар миқёси кишвар ҳамчунин дар омодагӣ ва вокуниши саривақтӣ ба офатҳои табиӣ, огоҳ намудани аҳолӣ аз хатари минаҳо, ба табақаи ниёзмандон дастрас намудани кўмакҳои башардўстона, расонидани ёрии аввали то тиббӣ  ва дигар чорабиниҳои хайриявию мададрасонӣ  фаъолият менамояд. ҶҲАТ шабакаи бузурге иборат аз 69 бахш дар ҳамаи шаҳру навоҳии кишвар буда, беш аз 10 000 нафар ихтиёриёнро муттаҳид намудааст.

20160219_090858

20160219_090849

 

1 (5)

Апрел 22, 2017 09:20

Хабарҳои дигари ин бахш

Сайт АМИТ ХоварШумораи хонандагони сомонаи АМИТ «Ховар» ба 4,2 миллион нафар расид!
БОЧ-хурока барои мактаббачагонДар Тоҷикистон ба мактаббачагон хӯроки яквақтаина дода мешавад
эмгузарониРўзҳои эмгузаронии иловагӣ бар зидди бемориҳои сурхча ва гулафшон оғоз гардиданд
Рузхои Маорифи Казокистон (9)«Рӯзҳои маорифи Қазоқистон» дар Тоҷикистон: мактабҳои олии Қазоқистон барои донишҷӯён тахфифҳои махсус пешниҳод менамоянд
Санэпид стан хавоХадамоти назорати давлатии санитарию эпидемиологӣ огоҳ менамояд!
гармоКумитаи ҳолатҳои фавқулода огоҳ мекунад: рӯзҳои наздик ҳарорати ҳаво беш аз 40 дараҷа хоҳад шуд!
олимпиадаи «ISWEEEP-2017»-и ИМА 4 медал5697Хонандагони тоҷик аз олимпиадаи «ISWEEEP-2017»-и ИМА 4 медал оварданд!
Аёдати ветерано сугд 3Тақдими кумакпулии якдафъаина ба иштирокчиён ва маъюбони Ҷанги дуюми ҷаҳонӣ
День ПобедыБа 447 нафар собиқадорони Ҷанги дуюми ҷаҳон кумаки якдафъаинаи Пешвои миллат супорида мешавад
Олимпиада маориф руминия1(1)Хонандагони тоҷик аз Руминия бо 10 медал баргаштанд
JpegАстероиди эҳтимолан хатарноки 2014JO25-ро олимони тоҷик ҳам мушоҳида карданд
Танзим-0Имсол ба қабули Қонун «Дар бораи танзими анъана ва ҷашну маросимҳо» 10 сол пур мешавад: вақт, ҳамчун довари ҳақ, зарурияти ин санадро собит намуд