Ҳамкориҳои Тоҷикистону Россия боз ҳам бештар тавсеа меёбанд

Апрель 13, 2017 19:47

ДУШАНБЕ, 13.04.2017. /АМИТ «Ховар»/. Имрӯз Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода сафири Россия дар Тоҷикистон Игорь Лякин-Фролов, муовини роҳбари Агентии федералӣ оид ба корҳои Иттиҳоди давлатҳои мустақил, ҳамдиёрони дар хориҷ ба сар баранда ва оид ба ҳамкориҳои байналмилалии гуманитарӣ («Россотрудничество») Дмитрий  Гужеля ва роҳбари намояндагии «Россотрудничество» дар Ҷумҳурии Тоҷикистон Михаил Вождаевро   ба ҳузур пазируфт.

Дар рафти суҳбат атрофи масъалаҳои вобаста ба  тавсеаи ҳамкорӣ дар заминаҳои илму маориф, фарҳанг, санъат, варзиш ва сайёҳӣ мубодилаи судманди афкор сурат гирифт.

Игорь Лякин-Фролов ВохуриДмитрий Гужеля ВохуриМихаил Вождаев Вохури

Абдуҷаббор Раҳмонзода баён дошт, ки туфайли сиёсати хирадмандонаи Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон забони русӣ дар ҷомеа мавқеи устувор пайдо кардааст. Имрўз дар Тоҷикистон 161 муассисаи таҳсилоти миёнаи умумӣ фаъолият менамоянд, ки дар онҳо 64194 хонанда ба таҳсил фаро гирифта шудаанд.

Айни ҳол дар муассисаҳои таҳсилоти олии Россия беш аз 15000 нафар донишҷўёни тоҷик таҳсил менамоянд, ки аз ин 12000 нафарашон тариқи квота дохил шудаанд.

Ҳамчунин доир ба баргузории ярмаркаи муассисаҳои таҳсилоти олии касбии Федератсияи Россия ва иштироки наврасону ҷавонони тоҷик изҳори назар карда шуд. Беш аз 40 муассисаи таҳсилоти олии касбии минтақаҳои Федератсияи Россия дар ин чорабинӣ ширкат варзиданд. Иброз гардид, ки минбаъд теъдоди квотаҳои ройгони Вазорати маориф ва илми Россия барои довталабони тоҷик зиёд карда шавад.

Ҷонибҳо аз ҳамкориҳои гуманитарии миёни Тоҷикистону Россия изҳори қаноатмандӣ намуда, иброз доштанд, ки барои таҳкиму тавсеаи минбаъдаи он мусоидат хоҳанд кард.

 

Апрель 13, 2017 19:47

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд