Артиши миллӣ бо сарбозону афсарони содиқу бошараф ифтихор мекунад

Апрель 12, 2017 15:14

ДУШАНБЕ, 12.04.2017 /АМИТ «Ховар»/. Дар қисми ҳарбии 051055 Гвардияи миллии Ҷумҳурии Тоҷикистон ба ифтихори сержантону сарбозоне, ки ду сол қабл барои хизмати содиқона ба халқу Ватан ва моҳирона аз худ кардани маҳорату малакаи хизмати ҳарбӣ дар назди падару модар ва ҳайати фармондеҳии Гвардияи миллӣ Савганди ҳарбӣ ёд карда буданд, ҷамъомади тантанавӣ доир гардид.
Дар ин бора аз Гвардияи миллии Ҷумҳурии Тоҷикистон хабар доданд.
Ализода Ҷонибек, сардори Сарситоди Гвардияи миллии Ҷумҳурии Тоҷикистон зикр кард: «Дар вазъияти тантанавӣ бо Байрақи Ҷангии қисми ҳарбӣ хайрбод гуфтан на ба ҳар хизматчии ҳарбӣ мушарраф мешавад ва ин анъанаро аз даст надода, бояд ҳамеша барои давом додани хизмати содиқонаву софдилона ба манфиати халқу Ватан омода бошанд. Зеро Артиши миллӣ ҳамеша ба сарбозону афсарони содиқу бошараф, мутахассисони лаёқатманди касбӣ эҳтиёҷ дорад ва хизмати шоиста, матонату диловарии онҳо дар ҳифзу ҳимояи Ватан боиси ифтихори ҳар як шаҳрванди Тоҷикистон аст».
Ҳамчунин барои хизмату интизоми намунавӣ, иштироки фаъолона дар чорабиниҳои муҳими сиёсӣ, ҳарбӣ, фарҳангиву варзишӣ як гурӯҳ сержантон аз ҷониби командирони қисмҳои ҳарбӣ бо рутбаҳои навбатии ҳарбӣ, ифтихорнома, мактубҳои миннатдорӣ ба волидон сарфароз гардонида шуданд.

Апрель 12, 2017 15:14

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт