Артиши Сурия калонтарин такягоҳи террористонро дар шимоли музофоти Хома торумор кард
ДУШАНБЕ, 24.04.2017 /АМИТ «Ховар»/. Артиши Сурия бо дастгирии иттифоқчиёнаш ҷангиёнро аз деҳаи Халфияи шимоли музофоти Хома берун кард. Дар ин бора «РИА Новости» хабар медиҳад.
Халфия яке аз калонтарин такягоҳҳои гурӯҳи террористии «Ҷабҳат ан-Нусра» /мамнӯъ дар Тоҷикистон/ дар ин қисмати Сурия маҳсуб мешавад.
Илова бар ин, ба артиш муяссар гардид, ки деҳаҳои Аз-Зувайр, Залин ва Бтейшро низ аз террористон озод намояд. Ҳоло неруҳои ҳукуматӣ ба самти марзҳои музофотҳои Латакиё ва Идлиб ҳаракат дошта, ҷангиёнро маҷбур доранд ба таври оммавӣ ақибнишинӣ намоянд.
Дастаҳои муҳандисии артиши Сурия аллакай азназаргузаронии ҳудудҳои озоднамударо бо мақсади пайдо ва безарар кардани дастгоҳҳои тарканда оғоз намуданд.
Чанде пеш артиши Сурия баландиҳои муҳими стратегӣ Уқоб ва Ал-Манторро дар наздикии шаҳри Тибет Ал-Имом зери назорат гирифт.
Қаблан иттилоъ расид, ки аз моҳи январ инҷониб неруҳои ҳукуматӣ аз ҷангиёни гурӯҳи террористии «Давлати исломӣ» 228 маҳаллаи аҳолинишинро озод намуда, 3975 километри мураббаъро зери назорат гирифтанд. Шумораи маҳаллҳои аҳолинишини ба раванди сулҳ ҳамроҳшуда ба 1468 адад расид.
Тошканд пойтахти ҷавонони Иттиҳоди Давлатҳои Мустақил гардид
Таҷдиди неругоҳи «Қайроққум» бомаром идома дорад
Байни Донишгоҳи давлатии Кӯлоб ва панҷ донишгоҳи Узбекистон шартномаи ҳамкорӣ баста шуд
Оё Тоҷикистонро пешрафти рақамӣ интизор аст?
Дар шоҳроҳи Душанбе — Чанок теъдоди қуттиҳои махсус барои партов ба 70 адад расонида мешавад
Имрӯз дар Тоҷикистон ҳавои бебориш пешгӯӣ мешавад
Барои арзёбии таъсири эҳтимолии офатҳои табиӣ ба устувории қарзи Арманистон, Тоҷикистон ва Қирғизистон санади корӣ таҳия гардид
Бар асари обхезӣ дар Танзания 1000 нафар бе сарпаноҳ монд
Дар Амороти Муттаҳидаи Араб дар бораи миқдори зиёдтарини бориш дар 75 соли охир гузориш доданд
Имрӯз дар ноҳияҳои доманакӯҳ ва ағбаҳои Тоҷикистон туман мефарояд
Амири Кувайт сарвазири навро таъйин намуд
Дар Уммон бар асари обхезиҳо 15 нафар ба ҳалокат расид
