Ба қонуни мубориза бо коррупсия илова ворид карда шуд

Апрел 26, 2017 17:36

Хабарҳои мавзӯъ

Сулаймон

ДУШАНБЕ, 26.04.2017/АМИТ «Ховар»/. Минбаъд дар вазорату идораҳои давлатии Тоҷикистон омилҳо ва хавфҳои коррупсионӣ таҳлил ва баррасӣ гардида, аз натиҷаи он ба Ҳукумати кишвар маълумот пешниҳод мегардад, ки ин тамоюл имкон медиҳад хавфҳои коррупсионӣ дар ҷумҳурӣ ҷилавгирӣ гарданд. Дар робита ба ин 26 апрел вакилони палатаи поёнии Парлумони Тоҷикистон ба моддаи 5-и Қонуни Ҷумҳурии Тоҷикистон «Дар бораи мубориза бар зидди коррупсия» қисми 5-ро илова намуданд.
Сулаймон Султонзода, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, ки масъалаи мазкурро дар Парлумон шарҳ дод, гуфт, ки «зарурати ворид кардани илова ба Қонуни Ҷумҳурии Тоҷикистон «Дар бораи мубориза бо коррупсия» бо мақсади ҷорӣ намудани механизми таҳлили хавфҳои коррупсия дар мақомоту ташкилотҳои давлатӣ баҳри иҷрои банди 45-и Нақшаи чорабиниҳои татбиқи «Стратегияи миллии муқовимат ба коррупсия дар Ҷумҳурии Тоҷикистон барои солҳои 2013-2020», ки бо Фармони Президенти Ҷумҳурии Тоҷикистон тасдиқ шудааст, пеш омад».
Зикр шуд, ки методологияи тартиб ва методикаи гузаронидани таҳлили хавфҳои коррупсиониро Ҳукумати Ҷумҳурии Тоҷикистон муқаррар менамояд
Ҳамзамон зимни баррасии масъалаи мазкур Раиси Маҷлиси намояндагон Шукурҷон Зуҳуров зикр кард, ки сатҳи коррупсия дар ҷумҳурӣ баланд аст. Раиси Парлумони кишвар таъкид намуд, ки бояд дар ин самт мақомоти салоҳиятдор аз таҷриба ва имконот истифода намуда, муборизаро бо ин зуҳуроти номатлуб пурзӯр гардонанд, зеро дар радифи шахсоне, ки ба фасод даст мезананд, мансабдорон низ ҳастанд.
Шукурҷон Зуҳуров зикр кард, ки «дар мақомоти мубориза бо коррупсия баъзан нафароне ҳам фаъолият мекунанд, ки худашон дар фасодкорӣ даст доранд ва ҳаргиз бори каҷ ба манзил намерасад. Касе ба коррупсия даст мезанад, дер ё зуд бе ҷазо намемонад, зеро дар назди қонун ҳама баробаранд».

Апрел 26, 2017 17:36

Хабарҳои дигари ин бахш

DSC_0738+Узви тозаинтихоби Маҷлиси миллӣ савганд ёд кард
Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд (3)Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд
Шурои олли, (1)Ба Дастури Маҷлиси миллӣ тағйиру иловаҳо ворид карда шуданд
ПарлумонҶонибдории пешниҳодҳои Президент аз сӯи аъзои Маҷлиси миллӣ оид ба бозхонд ва интихоби судяҳо
shuroi-olli-5Аъзои Маҷлиси миллӣ тағйиру иловаҳоро ба чор қонуни конститутсионӣ ҷонибдорӣ намуданд
Шурои олли, (1)Баррасии беш аз 50 масъала дар Шӯрои Маҷлиси миллӣ
Вазири адлияДар идораҳои САҲШ танҳо афроде кор карда метавонанд, ки дорои маълумоти олии ҳуқуқшиносӣ ва шаҳрванди Тоҷикистон бошанд
Амрихудо ДамдоровМинбаъд пинҳон доштани вазъи молу мулки аъзои Ҳукуматро мақомоти салоҳиятдор санҷида ва ошкор мекунанд
Ш. Зухуров ва Пан ЮнхеШ. Зуҳуров: «Дар иқтисодиёти Тоҷикистон Чин сармоягузори бузург аст»
Шурои олли, (1)Дар Тоҷикистон лоиҳаи қонуни нав-«Дар бораи сайёҳии дохилӣ» қабул мегардад
Парлумон-слайдДар шаҳри Душанбе иҷлосияи даҳуми Маҷлиси миллии Маҷлиси Олии Ҷумҳурии Тоҷикистон доир мегардад
Шурои олли, (1)Ваколати вакили Маҷлиси намояндагон пеш аз муҳлат қатъ гардид