Дар 8 ноҳияи вилояти Суғд маъракаи кирмакхобонӣ оғоз гардид

Апрел 20, 2017 16:32

Хабарҳои мавзӯъ

Пилла

ХУҶАНД, 20.04.2017. /АМИТ «Ховар»/. Дар ноҳияҳои манотиқи вилояти Суғд маъракаи тақсимоти қуттии кирмак идома дорад. Кирмакпарварони вилоят соли равон азм доранд бо риоя намудани ҳамаи қоидаҳои агротехникии парвариш ва нигоҳубини кирмак нақшаро сари вақт иҷро намоянд.
Тавре ба АМИТ Ховар сармутахассиси Идораи пиллаи Суғд Роҳат Пулотова иттилоъ дод, кирмакпарварони вилоят имсол парвариши 13 ҳазору 160 қуттӣ кирмаки навъи чиниро ба роҳ монда, нақша доранд 658 тонна пилла ҷамъоварӣ намоянд.
Дар вилоят вобаста ба иқлими минтақавии ноҳияҳо тақсими қуттиҳои кирмак аз 5 то 15 апрел ҷараён гирифт ва ҳоло дар 8 ноҳияи вилоят парвариши кирмак оғоз гардидааст. Дар чор ноҳияи иқлимашон каме хунуктар, чун Айнӣ, Панҷакент, Деваштич ва Истаравшан ин маърака аз 22 апрел оғоз меёбад. Қабули аввалин ҳосили пилла аз миёнаҳои моҳи май дар назар аст.
Ҳамчунин соли равон сарпарастии кирмакпарварони вилоятро ширкати ҶДММ «Ганҷ» ба зимма гирифта, чун пешпардохт ба ҳар як кирмакчӣ ба маблағи 50 сомонӣ кумакпулӣ додааст.
Ба иттилои манбаъ, ҳоло парвариш ва корҳои нигоҳубини агротехникии кирмакҳо дар ноҳияҳои тақсимшуда дар сатҳи хуб қарор дошта, бояд аз ҳар як қуттӣ 50 кг ҳосил гирифта шавад.
Соли равон барои кирмакпарварӣ дар ноҳияҳои вилоят наздик ба панҷ ҳазор сокинон ҷалб гардида, ҳамчунин баҳри назорати риояи қоидаҳои кирмакпарвариву агротехникӣ, додани маслиҳатҳои саривақтӣ дар ҷойҳо аз ҷониби мутахассисони маҳаллии соҳаи кирмакпарварӣ гурӯҳҳои корӣ ташкил карда мешаванд.

Апрел 20, 2017 16:32

Хабарҳои дигари ин бахш

Роҳҳои пиёдагард ба талаботи шаҳрсозӣ мутобиқ карда мешавандРоҳҳои пиёдагард ба талаботи шаҳрсозӣ мутобиқ карда мешаванд
Мария Ливицкая _229 апрел-Рӯзи байналмилалии рақс: рақс одамонро муттаҳид месозад
Новый рисунокДар Ҳамадонӣ 900 нафар шаҳрвандон ба курсҳои кӯтоҳмуддати омӯзишӣ фаро гирифта шуданд
НаклётНашрияи «Нақлиёт» 20- сола шуд
Мизи мудаввар дар Барки Точик..Нозирони меҳнат-ҳимоякунандаи манфиати меҳнаткашонанд
Мавсими имсолаи обхезӣ ба манзил ва майдони кишти сокинони шаҳраки Ваҳдати ноҳияи Ванҷ осеб намерасонадМавсими имсолаи обхезӣ ба манзил ва майдони кишти сокинони шаҳраки Ваҳдати ноҳияи Ванҷ осеб намерасонад
«Иксири саодат» ва «Армуғони аҳли дил» ба китобхонаҳои марказии вилояти Суғд туҳфа гардиданд«Иксири саодат» ва «Армуғони аҳли дил» ба китобхонаҳои марказии вилояти Суғд туҳфа гардиданд
обрасониКанали Хоҷабоқирғон аз оғози мавсими обёрӣ ба кишоварзон зиёда аз 5 млн куб об расонидааст
мукикишиноси маъруфи точик дар ХитойМусиқишиноси маъруфи тоҷик ба донишҷӯёни Консерваторияи марказии Хитой аз нозукиҳои санъати Шашмақом маърӯза мехонад
сохтакориСуди ноҳияи Рӯдакӣ ду нафарро барои қаллобию сохтакорӣ аз озодӣ маҳрум кард
хаво боронИмрӯз дар ҷумҳурӣ борони кӯтоҳмуддат меборад
чалб ба Давлати исломиҶ. Ҳакимов барои ҷалб кардани шаҳрвандон ба ташкилоти экстремистию террористии ба ном «Давлати исломӣ» 15 сол аз озодӣ маҳрум гардид