Дар ғарби ВМКБ ниҳол мешинонанд, дар шарқи он ҳанӯз барф мерӯбанд

Апрель 13, 2017 16:41

ХОРУҒ, 13.04.2017. /АМИТ «Ховар»/. Агарчӣ дар ғарби Вилояти Мухтори Кӯҳистони Бадахшон мавсими ниҳолшинонӣ шурӯъ шудааст, аммо дар қисми шарқии вилоят ҳанӯз ҳам барф аз замин канда нашудааст. Муҳандиси Муассисаи давлатии нигаҳдории роҳҳои ноҳияи Шуғнон Нурбек Булбулов дар робита ба ин гуфт: «Бар асари тундбоди шадид ва барфрезӣ ҳаракати нақлиёт дар километри 78-уми шоҳроҳи Хоруғ- Мурғоб- Қулма бо мушкил рӯ ба рӯ аст. Душвортарин қитъаи роҳи мошингард- ин ағбаи Кӯҳтезак мебошад, ки дарозии он 11 километр буда, резиши барф дар ин ағба баъзе солҳо то охири моҳи май идома меёбад. Ду рӯз пеш ағба аз барф тоза карда шуд, аммо субҳи имрӯз боди шадид вазида, барфи атрофро боз бар сари роҳи мошингард рехт ва ҳаракати нақлиётро муваққатан қатъ кард. Ҳоло роҳсозон бо истифода аз техникаву механизмҳои роҳсозӣ ба пок кардани барф оғоз карданд ва пас аз се- чор соат ин қитъаи роҳро ба рӯи мошинҳо аз сари нав боз хоҳанд кард».
Роҳсозон мегӯянд, ки бо ду техника пок кардани яке аз роҳҳои душвортарини ҷумҳурӣ, ки дарозии он наздик ба 200 километр аст, хеле душвор мебошад. Аз ин рӯ хоҳиш намуданд, ки то зимистони оянда дар таъмини ин муассиса бо техникаи иловагӣ тадбир андешида шавад.
Зимистони имсол дар ин қитъаи роҳ бештар аз 300 тармаи хурду бузург фаромад ва роҳсозон бо мақсади кушода нигоҳ доштани ин роҳи байналмилалӣ шабонарӯз заҳмат кашиданд.

Апрель 13, 2017 16:41

Хабарҳои дигари ин бахш

«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд