Дар мубориза бо сил муттаҳид мешавем!

Апрель 18, 2017 17:20

ДУШАНБЕ, 18.04.2017 /АМИТ «Ховар»/. Бахшида ба Рӯзи умумиҷаҳонии мубориза бар зидди бемории сил дар шахри Душанбе таҳти унвони «Дар мубориза бо сил муттаҳид мешавем!» ҳамоиш баргузор гардид. Дар ҳамоиши мазкур муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Азиз Одиназода ва ваколатдори муваққатии корҳои ИМА Лесли Ҳайден сухан карда, пешравиҳои назаррасро дар кори мубориза бар зидди бемории сил дар Ҷумҳурии Тоҷикистон зикр намуданд.
Ҳамзамон масъулин эътироф намуданд, ки бемории сил ҳоло ҳам ҳамчун масъалаи доғи рўз боқӣ мондааст. Дар Тоҷикистон то ҳоло сатҳи баланди паҳншавии бемории сили ба доруҳо тобовар мушоҳида мешавад.
«Дар давоми моҳҳои март ва апрел бо мақсади баланд бардоштани сатҳи огоҳии мардум дар бораи бемории сил Вазорати тандурустӣ ва ҳифзи иҷтимоии аҳолии Ҷумҳурии Тоҷикистон якчанд чорабинӣ роҳандозӣ намуд»,- иброз доштанд масъулини ин Вазорат.
Ҳадаф аз роҳандозии чунин тадбирҳо коҳиш додани беморӣ ва пешгирии вусъатёбии сили ба доруворӣ тобовар дар Тоҷикистон бо роҳи тақвияти стратегияи миллӣ, беҳтаргардонии дастрасӣ ба ташхис ва муолиҷа, дастгирии низоми марказонидашудаи нигоҳубини беморон, таҳкими зарфияти озмоишгоҳҳо ва низоми тандурустӣ дар вилояти Суғд, вилояти Хатлон ва водии Рашт мебошад.
Ҳамчунин зимни ҳамоиш барои саҳми арзанда гузоштан дар мубориза бар зидди бемории сил ба 20 нафар табибон ва ҳамшираҳои шафқати муассисаҳои тиббии ҷумҳурӣ сипоснома ва туҳфаҳои хотиравӣ тақдим карда шуданд.

Апрель 18, 2017 17:20

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт