«Дирафши коваёнӣ» сазовори Шоҳҷоизаи «Парасту-2017» гардид

Апрель 25, 2017 09:44

ДУШАНБЕ, 25.04.2017. /АМИТ «Ховар»/. Дирӯз дар Театри давлатии академии опера ва балети ба номи Садриддин Айнӣ Фестивал-озмуни ҷумҳуриявии театрҳои касбӣ «Парасту-2017» ҷамъбаст гардид. Спектакли «Дирафши коваёнӣ»-и Театри ҷавонони ба номи Маҳмудҷон Воҳидови шаҳри Душанбе сазовори Шоҳҷоизаи ин Фестивал-озмун гардид.
Тавре аз Вазорати фарҳанги Ҷумҳурии Тоҷикистон ба АМИТ «Ховар» хабар доданд, «Дирафши коваёнӣ» дар коргардонии ҳунарманди шинохта Нозим Меликов аз рӯи асари безаволи «Шоҳнома»-и Фирдавсӣ таҳия шуда, дар он нақшҳои асосиро Абдумӯъмин Шарифӣ, Бунёд Комилов, Аҳлиддин Ҳасанов, Қамариддин Мирзоев ва Зарина Бадалова бозидаанд.
Ҳайати доварон мақоми аввали Фестивал-озмунро ба спектакли «Пизишки паррон»-и Театри академии драмаи ба номи Лоҳутӣ доданд, ки онро Қурбони Собир аз рӯйи асари Молйер ба саҳна гузоштааст. Мақоми дуюми ҷашнвора ба Театри Маяковский барои спектакли «Хонума» ва ҷойи сеюм ба Театри мусиқӣ-мазҳакавии ба номи Камоли Хуҷандии шаҳри Хуҷанд барои спектакли «Қалби зан» дода шуд.
Ҳамчунин доварон ҷоизаи «Беҳтарин нақши мардона»-ро ба ду нафар- Шуҷоат Ҷалолиддинов (театри ба номи Лоҳутӣ) ва Маҳмадсаид Махсумов (театри ноҳияи Данғара) лоиқ донистанд.
Фестивал-озмуни «Парасту» аз ҷониби Вазорати фарҳанги Ҷумҳурии Тоҷикистон бо мақсади рушди драматургияи миллӣ, санъати театрии мамлакат, таҳияи асарҳои баландғояи ватанӣ, баланд бардоштани сатҳи маҳорати касбии коргардонҳо, ҳунармандон, рассомон, бастакорон, ҳисси ифтихори ватандӯстию ватанпарастӣ ва анъанаҳои хуби таърихию фарҳангӣ гузаронида мешавад.

Апрель 25, 2017 09:44

Хабарҳои дигари ин бахш

Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?
Тоҷикистон ва Узбекистон татбиқи лоиҳаҳои манфиатбахши муштаракро баррасӣ намуданд
Имрӯз дар Тоҷикистон ҳавои тағйирёбанда мешавад
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст