ФОРУМИ УМУМИҶАҲОНИИ ИҚТИСОДӢ ТОҶИКИСТОНРО КИШВАРИ БЕХАВФТАРИНИ ОСИЁИ МАРКАЗӢ НОМИД!

Апрел 20, 2017 17:47

Хабарҳои мавзӯъ

WEF-3

ДУШАНБЕ, 20.04.2017. /АМИТ «Ховар»/. Мутахассисони Форуми умумиҷаҳонии иқтисодӣ (WEF), ки дар Швейтсария баргузор гардид, Ҷумҳурии Тоҷикистонро бехавфтарин кишвари Осиёи Марказӣ дар соли 2017 номбар карданд. Дар ин рейтинг Тоҷикистон миёни 136 кишвар мақоми 49-умро касб кард. Аз кишварҳои Осиёи Марказӣ Қазоқистон мавқеи 58 ва Қирғизистон ҷойи 98-умро ишғол намуданд.
Қобили таваҷҷуҳ аст, ки Ҷумҳурии Тоҷикистон дар ин рейтинги анъанавӣ якбора 27 зина боло рафт: соли гузашта Тоҷикистон дар ҷойи 76-уми рейтинг қарор дошт.
Дар ин рейтинг мавқеи аввалро бори дуюм паи ҳам Финляндия ишғол кард. Дар ҷойи дуюм Амороти Муттаҳидаи Араб ва дар ҷойи сеюм Исландия қарор гирифтанд.
Ба даҳгонаи беҳтарин ҳамчунин Оман, Гонконг, Сингапур, Норвегия, Швейтсария, Руанда ва Қатар шомил шуданд.
Эстония дар ин рейтинг мақоми 15 ва Латвияву Литва муттаносибан ҷойҳои 40-ум ва 42-юмро ишғол карданд. Россия бошад дар ҷойи 109-ум қарор гирифт.
Сатрҳои охирро ҳамчун кишварҳои ноамнтарини ҷаҳон Салвадор, Яман ва Колумбия касб карданд.
Ҳангоми тартиб додани рейтинг коршиносон дар мадди аввал вазъи ҷинояткорӣ, терроризм ва низоъҳои ҳарбиро ба инобат гирифтанд.
Ёдовар мешавем, ки Форуми умумиҷаҳонии иқтисодӣ созмони ғайриҳукуматӣ дар Швейтсария мебошад. Форум ҳамасола мулоқоти роҳбарони кишварҳо, сиёсатмадорон ва коршиносони маъруфро дар Давос баргузор мекунад. Онҳо зимни ин вохӯриҳо мушкилоти ҷаҳонӣ, аз ҷумла сиёсӣ, иқтисодӣ, тандурустӣ ва ҳифзи муҳити зистро баррасӣ менамоянд. Тақрибан ҳазорҳо созмонҳои бузургтарини гӯшаҳои гуногуни олам аъзои форум мебошанд. Дар форум рӯзноманигорон ва сиёсатмадорон низ иштирок менамоянд. Ҳайати аъзоён мунтазам бозбинӣ мешавад. Буҷети созмон аз ҳисоби аъзоҳаққӣ ва маблағгузории худи иштирокдорон асос ёфтааст.

Душанбе-60

 

Апрел 20, 2017 17:47

Хабарҳои дигари ин бахш

Саидшариф Суд-3Собиқ сардори Раёсати сохтмони асосии шаҳри Душанбе барои азхудкунии маблағҳои калони буҷетӣ зимни сохтмони Беморхонаи «Истиқлол» аз озодӣ маҳрум гардид
вохурии намояндагони ВКДНамояндагони Вазорати корҳои дохилии Тоҷикистон ва Вазорати бехатарии ҷамъиятии Хитой масоили амнияти минтақавиро баррасӣ карданд
Сархад 4Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
СархадДар Қӯшунҳои сарҳадӣ ҷаласаи ҳисоботӣ баргузор гардид
01Қочоқчиёни маводи нашъаовар маҳкум гардиданд
совбез5Котибони Шӯрои амнияти давлатҳои СҲШ масъалаҳои мубрами байналмилалӣ ва минтақавиро баррасӣ намуданд
Машқҳои муштараки баталионӣ-тактикии зидди террористӣ дар машқгоҳи «Чоруқ-Дарон»-и гарнизони СуғдМашқҳои муштараки баталйонӣ-тактикии зиддитеррористӣ дар «Чоруқ-Дарон»-и гарнизони Суғд
каллобиОқибати қаллобию сохтакорӣ кунҷи маҳбас аст
каллоби 1Баъди ба даст афтодан ришвадиҳӣ роҳи наҷот нест
Боздошти мудириБоздошти мудири шуъбаи ташхиси судӣ-тиббии шаҳри Турсунзода бо гумони додани гувоҳии бардурӯғ
IMG_4671Кишварҳои СҲШ ҳамкории сарҳадиро тақвият мебахшанд
s (9)марзбонХизматчиёни қӯшунҳои сарҳадӣ моҳи феврал 17 қочоқчиро дастгир намуданд