«Хоби ҳамдуна»- и Румӣ Шоазимов дар Кинофестивали 23-юми Россия «Адабиёт ва синамо» соҳиби мукофот гардид

Апрел 28, 2017 16:18

Хабарҳои мавзӯъ

хоби хамдуна

ДУШАНБЕ, 28.04. 2017 /АМИТ «Ховар»/. Филми коргардони 24-солаи тоҷик Румӣ Шоазимов «Хоби ҳамдуна» дар Кинофестивали 23-юми Россия «Адабиёт ва синамо» ду мукофот гирифт. Дар ин бора аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд.
Ба иттилои манбаъ, Кинофестивали 23-юми Россия «Адабиёт ва синамо» аз 20 то 26 апрели соли равон дар шаҳри Гатчина баргузор гардида, барои Шоҳҷоизаи кинофестивал «Дастбанди ақиқ» 7 филми бадеӣ ва 12 филми ҳуҷҷатӣ аз кишварҳои гуногун мубориза бурданд.
Дар маросими ҷоизасупорӣ ба филми коргардони тоҷик Румӣ Шоазимов, ки ҷавонтарин иштирокчии кинофестивал буд, ду мукофот супорида шуд.
Мукофоти ҳакамон ба номи Андрей Петров барои мусиқии беҳтарин дар филм бо шарҳи «Барои кашф ва пешниҳоди муассири мӯҳтавои филм» ба оҳангсози филми «Хоби ҳамдуна» Иқбол Завқибеков супорида шуд.
Инчунин Ҳунарпешаи халқии Тоҷикистон Баҳодур Миралибеков барои беҳтарин нақши мардона сазовори дипломи кинофестивал гардид.
Филми ҳунарии «Хоби ҳамдуна» аввалин филми бадеии пурраи коргардони ҷавон Румӣ Шоазимов буда, он аз рӯи асари Уилям Ҷейкобс «Дасти ҳамдуна» ба навор гирифта шудааст.
Тавре хабар дода будем, чанде пештар филми мазкур дар кинофестивали миллии кинои «Оқ Илбирс» дар Ҷумҳурии Қирғизистон иштирок карда, иҷрокунандаи нақши асосӣ Баҳодур Миралибеков сазовори мукофоти «Беҳтарин ҳунарпешаи Осиёи Марказӣ барои иҷрои нақши мардона» гардида буд.

Апрел 28, 2017 16:18

Хабарҳои дигари ин бахш

Намоиши Суратхои Навруз Саидов (1)Асо ҳам як замоне шохаи сабз будааст. Намоиши аксҳо бахшида ба Рӯзи ҳифзи муҳити зист
Малика собироваШамсиддин Орумбекзода: «Малика Собирова чун ситораи нотакрори рақси классикӣ ва балет дар қалби мухлисони ҳунар боқӣ мемонад»
Шабе дар Осорхона---- (8)«Шабе дар осорхона» фарогири ҳунарҳои дастии мардумӣ, рассомӣ, намоиши либосҳои арӯсӣ ва аксҳои беҳтарин буд
Дир Осорхона18 май-Рӯзи умумиҷаҳонии осорхонаҳо: иқдоми «Шабе дар осорхона» ба ин сана бахшида шудааст
Шашмаком7Имрӯз-Рӯзи Шашмақом: ба санъати бузург дар Тоҷикистон таваҷҷуҳи хосса зоҳир мешавад
Китоби Рамазон Абдулатипов (2)Дар Китобхонаи миллии Тоҷикистон «Халқи тоҷики ман»-и Рамазон Абдулатипов муаррифӣ гардид
Кушодашавии Рузхои Фарханги Узбекистон.Холиса (1)Эҳсоси шоми мусаффо ва дӯстӣ зимни ифтитоҳи маросими ботантанаи Рӯзҳои фарҳанги Ӯзбекистон дар Тоҷикистон
Хощим Г-2Ҳошим Гадо-«Рӯдакӣ», «Сино» ва «Суҳроб»-и саҳнаи тоҷик аст!
DSC_0795Шамсиддин Орумбекзода: «Рӯзҳои фарҳангии мардумони тоҷику ӯзбек барои ҳамкории зичи ҳунармандон роҳи бузург мекушоянд»
Ҳайати расмӣ ва эҷодии Ҷумҳурии Ӯзбекистон ба Тоҷикистон омадандШоми имрӯз дар Душанбе Рӯзҳои фарҳанги Ҷумҳурии Ӯзбекистон расман оғоз меёбанд
Юлдуз Усманова-0«Бозгашти ошно»: Юлдуз Усмонова ба Тоҷикистон меояд
Ота ФильмРӯзҳои фарҳанги Ӯзбекистон дар Душанбе бо намоиши аккосии «Ӯзбекистони муосир» оғоз меёбанд