«IRS» дар мавсими нав ба таъмири роҳҳо шурўъ намуд

Апрел 12, 2017 10:28

Хабарҳои мавзӯъ

Ремонт-4

ДУШАНБЕ, 12.04.2017 /АМИТ «Ховар»/. Дар замони соҳибистиқлолии кишварамон бо ибтикори бевоситаи Пешвои миллат Эмомалӣ Раҳмон бобати аз бунбасти коммуникатсионӣ раҳо бахшидани мамлакат иқдомоти зиёд амалӣ шуданд. Таъмиру таҷдиди роҳи Душанбе-Чаноқ аз ин ҷумла буда, бо шарофати пурра бозсозӣ шудани ин роҳ хатарҳое, ки пештар ронандагону мусофирон ва воситаҳои нақлиёт бо онҳо дучор мешуданд, бартараф гардида, тамоми сол рафту омади аҳолӣ тавассути ин роҳи мошингард таъмин гардид.
Аз оғози фаъолият инҷониб, аз тарафи филиали Ширкати саҳомии «Инновейтив Роуд Солюшнз ЛТД» рисолати ба зиммадошта дар робита ба нигоҳдории роҳи Душанбе Чаноқ мунтазам, дар сатҳи хуб ва сифати баланд амалӣ мешавад.
Тавре аз Маркази матбуоти филиали ширкати мазкур ба АМИТ «Ховар» иттилоъ доданд, сарфи назар аз фаъолияти пурмаҳсули филиали ширкат, бинобар аз ҷониби баъзе ронандагон риоя нагардидани талаботи мавҷуда, ки ба ҳаракати воситаҳои нақлиёти гаронвазн рабт дорад ва офатҳои табиие, ки соли равон рух дода, бесобиқа унвон мешаванд, баъзе қитъаҳои роҳи Душанбе-Чаноқ вайрон шудаанд. Ширкат, ки барои давраи муайян нигоҳдории роҳро ба зимма дорад, дар ҳолати хуб нигоҳ доштани онро самти афзалиятноки фаъолият интихоб намуда, дар ин ҷода мунтазам тадбирандешӣ менамояд. Бо фаро расидани мавсими гармӣ, дар масири роҳ таъмири роҳ шурӯъ гардид.
Гуфтан бамаврид аст, ки дар навбати аввал тарқиш ва ҷуқуриҳои бавуҷудомада бартараф шуда, минбаъд қитъаҳои нисбатан зиёд осебдида таъмири куллӣ хоҳанд шуд. Барои сари вақт ва тибқи талаботи мавҷуда амалӣ намудани ин раванд филиали Ширкат тамоми имкониятҳо, амсоли таъмини коргоҳ бо мутахассисони болаёқат, техникаву механизмҳои замонавӣ, корхонаҳои истеҳсоли асфалт ва масолеҳи сохтмониро доро мебошад.
Масъулини Маркази матбуоти «IRS» таъкид намуданд, ки барои анҷоми таъмиру таҷдиди роҳ ҳама фаслҳои сол созгор нестанд. Хоса амалӣ намудани корҳои сохтмонии ба бахши роҳдорӣ рабтдошта дар марҳилаи боришот самарабахш нест ва дар чунин ҳолат сифати корҳои амалишуда ба талабот ҷавобгӯ нахоҳад буд. Бинобар ин, ҳамасола чунин иқдомот бо фаро расидани фасли гармо шурӯъ гардида, дар ин замина қитъаҳои таъмирталаби роҳ бо сарфи ҳазорҳо тонна асфалт ва дигар масолеҳи зарурӣ таъмиру таҷдид мегарданд.
«Бо назардошти ин ҳолат аз ронандагону мусофирон эҳтиромона хоҳиш мешавад, ки дар рӯзҳои ҷараён доштани таъмир дар масири роҳ бо кормандони филиали Ширкат дар асоси ҳамдигарфаҳмии комил ва ҳусни тафоҳум муносибат намуда, ба меҳнати роҳсозон арҷ гузоранд»,- афзуд манбаъ.

Ремонт-3 Ремонт-2

Апрел 12, 2017 10:28

Хабарҳои дигари ин бахш

Танзим-0Имсол ба қабули Қонун «Дар бораи танзими анъана ва ҷашну маросимҳо» 10 сол пур мешавад: вақт, ҳамчун довари ҳақ, зарурияти ин санадро собит намуд
вазири мехнат бо корея 0657Мутахассисони баландихтисоси касбӣ имкон доранд дар Ҷумҳурии Корея бо кор таъмин гарданд
VM1A0253-300x200Ҷаласаи 12-уми Гурўҳи кории муштараки Тоҷикистону Россия дар Душанбе
Хилоли Ахмар-0Ҷамъияти Ҳилоли Аҳмари Тоҷикистон ба зарардидагони заминларзаи ВМКБ кӯмак мерасонад
АзимИстифодаи самараноки гармӣ дар пойтахт асосан аз омода гардидани ноҳияи Сино вобастагӣ дорад
Абдуджаббор Р.Ҳамкориҳои Тоҷикистону Россия боз ҳам бештар тавсеа меёбанд
DSC_0006Нурулло Маҳмадуллозода: «Мақсади авф кумак ба муҳоҷирон ҷиҳати қонунӣ намудани будубоши худ дар ҳудуди Федератсияи Россия мебошад»
Легализация-2Ба таваҷҷуҳи муҳоҷирони меҳнатӣ! Расмикунонии будубоши муҳоҷирони меҳнатӣ-шаҳрвандони Ҷумҳурии Тоҷикистон дар Федератсияи Россия
Иброхим Ахмадов МиграцияМанъи вуруди шаҳрвандони Тоҷикистон ба Федератсияи Россия бекор карда мешавад
Хаво 7Имрӯз дар ҷумҳурӣ ҳавои офтобӣ дар назар дошта шудааст
Бори аввал дар ДушанбеБори аввал дар Душанбе Шоу-барномаи лазерии видео-мэппинг баргузор гардид
boronИмрӯз дар аксари ноҳияҳои ҷумҳурӣ ҳавои номусоид дар назар аст