Китобхонаи миллии Тоҷикистон: Ҷавонон аз намоиши асарҳои пурмазмуни Пешвои миллат таассуроти нек бардоштанд

Апрел 21, 2017 17:32
IMG_6422

Ҷавонон бояд сабақҳои Истиқлолиятро ҳаматарафа омӯзанд, аз сиёсати имрӯз огоҳ бошанд, таърихи гузаштаву ҳозираи халқи худро гаштаву баргашта варақ зананд ва аз Ватан, миллат, забон ва фарҳанги худ ифтихор намоянд.

Эмомалӣ РАҲМОН

ДУШАНБЕ, 21.04.2017 /АМИТ «Ховар»/. Дар доираи Соли ҷавонон эълон гардидани соли 2017 имрӯз бо ташаббусси Ташкилоти ҷамъиятии ҷавонон «Созандагони ватан» дар ҳамкорӣ бо Китобхонаи миллии Тоҷикистон зиёда аз 600 нафар хонандагони мактабҳои миёна, донишҷӯёни донишгоҳу донишкадаҳои олии кишвар ҷамъ омада, аз толорҳои он дидан карданд.
Ҷамшед Олимов, роҳбари намояндагии Ташкилоти ҷамъиятии ҷавонон дар шаҳри Душанбе зимни суҳбат бо хабарнигори АМИТ «Ховар» иброз дошт, «дар доираи ин ҳамоиш, ки тӯли ду рӯз идома меёбад, ҷавонон ба мутолиаи китоб машғул гардида, бо шароити фароҳам овардаи Ҳукумати кишвар барои илмомӯзии ҷавонон шинос шуданд. Дар доираи ҷамъомад намоиши китоб низ баргузор гардида, дар он асарҳои пурмазмуни Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон ба намоиш гузошта шуданд ва ҷавонон бо мазмуну муҳтавои онҳо шинос шуданд».
Ба андешаи ҳамсуҳбати дигари мо Муҳаммадиқбол Атоев, мудири шуъбаи матбуоти даврии Китобхонаи миллии Тоҷикистон, «дар ҷамъомади фарҳангию сиёсӣ андешаҳои саршор аз ватандориву илмомӯзӣ садо доданд, ки барои тарбияи ҷавонон ва тарбияи онҳо дар рӯҳияи ватандӯстиву хештаншиносӣ ва дар маҷмӯъ, ҷиҳати боло бурдани хулқу атвори неки онҳо мусоидат менамоянд».


Ба гуфтаи ӯ, «ҷавонон дар ин ҷамъомад аз чор ноҳияи шаҳри Душанбе гирди ҳам омаданд, то бо ҳам дӯстӣ пайдо намоянд. Зиёд намудани ин гуна вохӯриҳо барои боз ҳам беҳтар намудани дӯстиву рафоқат миёни ҷавонон, сайқал додани савияи дониш ва андешаҳои сиёсии ҷавонон мусоидат хоҳад кард».
Ин дар ҳолест, ки Китобхонаи миллӣ дар ҳамкорӣ бо Вазорати маориф ва илми ҷумҳурӣ иқдомеро зери унвони «Биёед, ба китобхона меравем» роҳандозӣ намуд, ки он натиҷаи хеле хуб дод. Зеро дар семоҳаи аввали соли 2017 шумораи хонандагони ба толорҳои хониш, толори электронӣ, толори маводи мусаббат, толори феҳриствораҳо, гӯшаҳои кишварҳои хориҷӣ ва дигар нуқтаҳои хизматрасонӣ воридшуда 127 978 нафарро ташкил додааст.
Ба гуфтаи Гадобек Маҳмудов, муовини директори Китобхонаи миллии Тоҷикистон, дар доираи барномаи «Биёед, ба китобхона меравем» кормандони Китобхона ба муассисаҳои олӣ, миёнаи касбӣ, литсею гимназияҳо ва миёнаи таҳсилоти умумии пойтахт рафта, бо донишҷӯёну хонандагон суҳбатҳо ороста, оид ба шароиту фазои мусоид, имконияти истифода аз маводи чопию электронӣ ва толорҳои китобхона маълумот доданд. Ин суҳбатҳо натиҷаи хуб ба бор оварданд, ки шумораи хонандагон ва омаду рафти онҳо ба китобхона хеле зиёд гашт»,- гуфт Гадобек Маҳмудов. Ҳамзамон ӯ иброз дошт, ки Соли ҷавонон эълон гардидани соли 2017 мо, кормандони Китобхонаи миллиро вазифадор менамояд, ки сатҳу сифати хизматрасониро ба талаботи замон мутобиқ намуда, равандҳои инноватсиониро ҳар чӣ бештар роҳандозӣ намоем ва ҷалби наврасону ҷавононро ба китобхона ва илму адаб бештар намоем.
Маврид ба зикр аст, ки имрӯзҳо Китобхонаи миллии Тоҷикистон тамоми шароитро ҷиҳати баргузор намудани барномаҳои сиёсиву фарҳангӣ, аз ҷумла барои аз бар намудани донишҳои замонавӣ ба тамоми гурӯҳҳои хонандагон фароҳам овардааст. Танҳо шаҳрвандонро зарур аст вақт пайдо намуда, аз ин ганҷинаи гаронбаҳои миллат бархӯрдор бигарданд.
Воқеан ҳам Китобхонаи миллии Тоҷикистон яке аз туҳфаҳои арзандаи даврони истиқлолият барои дӯстдорони илму маърифат ва тамоми сокионони кишвар мебошад.

Абдураҳим ҶАББОРОВ

Апрел 21, 2017 17:32

Хабарҳои дигари ин бахш

Ҷавонон муқобили терроризм ва ифротгароӣ- ҳамоиш дар Донишкадаи соҳибкорӣ ва хизмати Ҷумҳурии Тоҷикистон«Ҷавонон муқобили терроризм ва ифротгароӣ»- ҳамоиш дар Донишкадаи соҳибкорӣ ва хизмати Ҷумҳурии Тоҷикистон
Ҷавонон нерӯи созанда ва пешбарандаи ҳар қавму миллат мебошандҶавонон неруи созанда ва пешбарандаи ҳар қавму миллат мебошанд
Новый рисунокХушнуд Мирзоалиев дар озмуни байналмилалии «Иншои беҳтарин» ба забони куриёӣ дар Қазоқистон сазовори ҷойи аввал гардид
DSC_0168Дар Душанбе Конфронси илмӣ бахшида ба Даҳсолаи байналмилалии амал «Об барои рушди устувор» баргузор гардид
Сарвазир1Мулоқоти Қоҳир Расулзода бо Вазири меҳнат ва шуғли Ҷумҳурии Корея
4 миллиону 500 ҳазор доллари Бонки Аврупоии таҷдид ва рушд барои марҳилаи дуввуми барқарорсозии Шабакаи обрасонии шаҳри ХоруғБарои марҳилаи дуюми барқарорсозии Шабакаи обрасонии шаҳри Хоруғ 4 миллиону 500 ҳазор доллар ҷудо гардид
вохури бо намояндагониБаррасии масоили арзёбии осебпазирӣ ва бехатарии муҳоҷирон бо намояндагони Созмони байналмилалии муҳоҷират
тасмаИстифодаи тасмаи бехатарӣ оқибатҳои садамаро бехавф мегардонад
«Баҳори ҷавонӣ» Бахшида ба Соли ҷавонон ва 20 солагии Ваҳдати миллӣ асарҳои мусаввиронро ба намоиш мегузорадДар «Баҳори ҷавонӣ» асарҳо дар мавзӯи ваҳдат ба намоиш гузошта шудаанд
Агентии захираҳои моддии назди ҳукумати Ҷумҳурии Тоҷикистон аз болоравии нархи орд дар шаҳри Хоруғ ҷилавгирӣ намудАгентии захираҳои моддии давлатии назди Ҳукумати Ҷумҳурии Тоҷикистон аз болоравии нархи орд дар Хоруғ ҷилавгирӣ намуд
Чавонон бояд«Авангард» ҷавононро ба ҷасурию пешоҳангӣ даъват мекунад
Vaktsinatsiya-oДар ноҳияҳои наздисарҳадии Тоҷикистон эмгузаронӣ бар зидди бемории фалаҷ доир карда шуд