Маҳдудият ба кормандони мақомоти гумруки Тоҷикистон ҷиҳати соҳиб шудан ба шаҳрвандии давлати дигар

Апрел 5, 2017 14:57

Хабарҳои мавзӯъ

shuroi-olli-3

ДУШАНБЕ, 05.04.2017/АМИТ «Ховар»/. 5 апрел вакилони палатаи поёнии Парлумони Тоҷикистон ба Кодекси гумруки Ҷумҳурии Тоҷикистон тағийру иловаҳо ворид намуданд, ки тибқи он шурӯъ аз роҳбарият то корманди қатории мақомоти гумруки Тоҷикистон аз гирифтани шаҳрвандии кишвари дигар маҳрум мегарданд. Дар сурати соҳиб шудан ба душаҳрвандӣ шахс ҳуқуқ надорад дар мақомоти гумруки Тоҷикистон фаъолият намояд.
Зимни тавзеҳи масъалаи мазкур Абдуманнон Холиқзода, муовини аввали Вазири адлияи Ҷумҳурии Тоҷикистон дар Парлумон гуфт, ки «ин тадбир бо мақсади ҳифзи манфиатҳои сиёсию давлатӣ ва соҳибихтиёрии кишвар андешида шудааст, зеро ҳимояи манфиатҳои миллӣ ва давлатдорӣ барои кормандони мақомоти қудратӣ дар мадди аввал меистад». Мавсуф афзуд, ки дар шароити ҷаҳонишавӣ ва равандҳои ҳассосу пуртазоди ҷомеаи муосир дар масъалаи ҳифзи арзишҳои давлатдорӣ ва манфиатҳои миллӣ ҳушёрии сиёсиро набояд аз даст дод.
Дар маҷмӯъ мақсади ворид намудани тағйироту илова ба Кодекси гумруки Ҷумҳурии Тоҷикистон мутобиқ намудани он ба меъёрҳои Конститутсияи Ҷумҳурии Тоҷикистон мебошад, ки моҳи майи соли 2016 дар асоси баргузории раъйпурсии умумихалқӣ ба он тағйирот ворид карда шуд.
Ҳамзамон дар ҷаласаи навбатии иҷлосияи сеюми Маҷлиси намояндагон ба қонунҳои Ҷумҳурии Тоҷикистон «Дар бораи нотариати давлатӣ», «Дар бораи танзими анъана ва ҷашну маросимҳо дар Ҷумҳурии Тоҷикистон» ва ба ду Қонуни конститутсионии Ҷумҳурии Тоҷикистон «Дар бораи интихоботи вакилон ба маҷлисҳои маҳаллии вакилони халқ» ва «Дар бораи Суди конститутсионии Ҷумҳурии Тоҷикистон» тағйиру иловаҳо ворид карда шуданд, ки ҳадаф мутобиқ намудани онҳо ба Конститутсияи Ҷумҳурии Тоҷикистон мебошад.

Апрел 5, 2017 14:57

Хабарҳои дигари ин бахш

СулаймонБа қонуни мубориза бо коррупсия илова ворид карда шуд
Шерали МирзоСинни ба нафақа баромадани генералҳои Вазорати мудофиа се сол боло бурда шуд
парламентБоздиди Гопи Шах аз Парлумони Тоҷикистон
parДар тақвими расмии кишвар боз як ид зам гардид-20 март Рӯзи фарҳанг таҷлил мегардад
Шурои олли, (4)Вазорати молияи кишвар коғазҳои қиматноки давлатиро ба муомилот мебарорад
Шурои олли, (1)Имтиёз ба ширкатҳои туристӣ: воридоти таҷҳизот барои иншооти сайёҳӣ аз андоз озод мегарданд
parСинни ба нафақа баромадани кормандони мақомоти гумрук баланд бардошта шуд
Шариф РахимзодаПарлумон ба кодексҳои гумрук ва андоз тағйиру иловаҳо ворид менамояд
Парлумон1500 сомонӣ ҷарима барои пинҳон доштани душаҳрвандӣ
IMG_5685Боздиди вакили Бундестаги Олмон аз Парлумони Тоҷикистон
чаласаи ШуроБа Кодекси ҳуқуқвайронкунии маъмурии Ҷумҳурии Тоҷикистон тағйироту илова ворид мегардад
Палатаи хисоби ТочикистонБа мансаби раис, муовини раис ва сараудитори Палатаи ҳисоб минбаъд киҳо таъйин гардида метавонанд?