Мулоқоти Пешвои миллат Эмомалӣ Раҳмон бо Ҳамоҳангсози доимӣ, Роҳбари нави Барномаи рушди СММ дар Тоҷикистон хонум Пратибҳа Меҳта

Апрел 11, 2017 14:11
Эмомали Рахмон и Пратибха Мехта

ДУШАНБЕ, 11.04.2017. /АМИТ «Ховар»/. Имрӯз дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Ҳамоҳангсози доимии Созмони Милали Муттаҳид, Роҳбари нави Барномаи рушди Созмони Милали Муттаҳид хонум Пратибҳа Меҳтаро ба ҳузур пазируфтанд.

Дар мулоқот вазъи кунунӣ ва дурнамои рушди ҳамкории Тоҷикистону Барномаи рушди Созмони Милали Муттаҳид баррасӣ карда шуд.

Эмомалӣ Раҳмон аз солгарди 25 — уми узвияти кишвар дар Созмони Милали Муттаҳид ёдовар шуда, бо қаноатмандӣ зикр карданд, ки нақши ниҳодҳои Созмон, аз ҷумла Барномаи рушди он дар раванди истиқрори сулҳу субот ва ваҳдати миллӣ дар Тоҷикистон аҳамияти таърихӣ дорад.

Зимни мулоқот Роҳбари нави Барномаи рушди Созмони Милали Муттаҳид хонум Пратибҳа Меҳта ба ҳамаи ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмон оид ба ҳалли мушкилоти глобалии сайёра баҳои баланд дода, мавқеи устувор ва нақши пешсафию пешоҳангии Сарвари давлати Тоҷикистонро дар татбиқи барномаи Ҳадафҳои Рушди Ҳазорсолаи Созмони Милали Муттаҳид махсус қайд кард.

Таъкид гардид, ки айни замон дар Тоҷикистон 23 бунёд, барнома ва муассисаҳои махсуси созмон амал мекунанд ва меҳвари фаъолияти онҳоро татбиқи лоиҳаву барномаҳои иҷтимоиву иқтисодии ба таъмини рушди дарозмуддату устувори кишвари мо нигаронидашуда ташкил медиҳад.

Дар доираи ҳамкории судманд тариқи Барномаи қолабии Созмони Милали Муттаҳид оид ба дастгирии рушд — ЮНДАФ ба Тоҷикистон барои панҷ соли оянда 363 миллион доллар ҷудо карда мешавад.

Ҷонибҳо изҳори боварӣ карданд, ки Барномаи рушди Созмони Милали Муттаҳид дар самти татбиқи Стратегияи миёнамуҳлату дарозмуддати рушди миллии Тоҷикистон барои давраҳои то солҳои 2020 ва 2030, инчунин дар самти амалигардонии ҳадафу вазифаҳои иқдомҳои глобалии марбут ба оби Тоҷикистон — Даҳсолаи байналмилалии амал: Об барои рушди устувор барои давраи солҳои 2018-2028-ро дастгирӣ хоҳад намуд. Татбиқи ин барномаҳо беҳдошти шароити зиндагии аҳолӣ, рушди иқтисодӣ, иҷтимоӣ ва ҳифзи муҳити зист, таъмини дастрасии васеи ҳамагон ба неруи барқ ва пешгирии пайомадҳои офатҳои табиии вобаста ба обро дар бар мегирад.

Дар робита ба вазъи ногувори обхезӣ, селу ярч ва тармафароӣ дар баъзе минтақаҳои кишвар, ки ба талафоти ҷонӣ ва хисороти зиёди моливу моддӣ боис мегардад, таклиф карда шуд, ки нисбат ба пешгирии офатҳои табиӣ сиёсати таҳкими иқтидори миллӣ таҳия ва татбиқ карда шавад.

Зимни мулоқот ҳамчунин масъалаҳои муҳими ҳамкорӣ дар самти татбиқи лоиҳаҳои энергетикии дорои аҳамияти минтақавӣ, истифодаи оқилонаи захираҳои гидроэнергетикӣ ва дастрасии умум ба неруи барқ мавриди баррасӣ қарор дода шуд.

Дар бахши маориф, татбиқи ислоҳоти соҳа, сохтмону ба истифода додани муассисаҳои иловагии таълимӣ ва баҳри таъмини аҳолӣ бо сатҳи баланди хизматрасониҳои таълимӣ мусоидати Барномаи рушд зарур дониста шуд.

Пратибҳа Меҳта

Апрел 11, 2017 14:11

Хабарҳои дигари ин бахш

Паёми телевизиони ба муносибати фарорасии мохи РамазонПаёми Пешвои миллат ба муносибати фарорасии моҳи шарифи Рамазон
34741077182_7891fd15a7_zМаҷлиси Ҳукумати Ҷумҳурии Тоҷикистон
????????????????????????????????????Мулоқоти Пешвои миллат Эмомалӣ Раҳмон бо Вазири корҳои хориҷӣ ва ҳамкориҳои байналмилалии Амороти Муттаҳидаи Араб Шайх Абдулло бин Зойид Оли Наҳён
Рузи чавонон 2017Иштироки Пешвои миллат Эмомалӣ Раҳмон дар ҷамъомади идона ба ифтихори Рӯзи ҷавонон
2017-05-23ruzi_javonon_s_0 (1)Суханронии Пешвои миллат дар барномаи фарҳангӣ бахшида ба Рӯзи ҷавонон дар Варзишгоҳи марказии пойтахт
Эмомали Рахмон и Тереза МэйБарқияи тасаллияти Пешвои миллат ба Сарвазири Шоҳигарии Муттаҳидаи Британияи Кабир ва Ирландияи Шимолӣ Тереза Мей
Касри миллатПаёми телевизионии Пешвои миллат ба ифтихори Рӯзи ҷавонон
33962845334_5c9b52367b_zМулоқотҳои Пешвои миллат Эмомалӣ Раҳмон бо роҳбарони як қатор кишварҳои иштирокчии нахустин Саммити сарони давлатҳои олами арабӣ, исломӣ ва Иёлоти Муттаҳидаи Амрико
34419814870_6e867cf3af_zМулоқоти Пешвои миллат Эмомалӣ Раҳмон бо Сарвазири Ҷумҳурии Лубнон Саад Ҳарирӣ
34765600286_72cf9ff1d3_zМулоқоти Пешвои миллат Эмомалӣ Раҳмон бо Сарвазири Ҷумҳурии Халқии Бангладеш хонум Шайх Ҳасина Вазед
33995922413_cc356bf314_zИштироки Пешвои миллат Эмомалӣ Раҳмон дар нахустин Саммити сарони давлатҳои олами арабӣ, исломӣ ва Иёлоти Муттаҳидаи Амрико
2017-05-22summit_us_sСуханронии Пешвои миллат Эмомалӣ Раҳмон дар Саммити сарони давлатҳои олами арабу ислом ва Амрико