Мулоқоти сафири Украина бо чернобилчиёни шаҳри Хуҷанд

Апрель 4, 2017 17:35

ХУҶАНД. 04.03.2017. /АМИТ «Ховар»/. Дирӯз дар доираи сафари кории худ ба вилояти Суғд Сафири Фавқулода ва Мухтори Ҷумҳурии Украина дар Ҷумҳурии Тоҷикистон Виктор Никитюк дар бинои Мақомоти иҷроияи ҳокимияти давлатии шаҳри Хуҷанд бо иштироки иҷрокунандаи раиси шаҳри Хуҷанд Маъруф Муҳаммадзода бо бартарафкунандагони садамаи Неругоҳи барқи атомии Чернобил мулоқот намуд.

Тавре ба АМИТ «Ховар» аз шуъбаи ташкилии Мақомоти иҷроияи ҳокимияти давлатии шаҳр иттилоъ доданд, дар мулоқот  зикр шуд, ки дар бартарафсозии ин садама аз вилояти Суғд беш аз 1000 нафар шаҳрвандон, аз ҷумла 120 нафар сокинони шаҳри Хуҷанд иштирок намудаанд. Ҳоло дар вилояти Суғд ба бартарафкунандагони садамаи Неругоҳи барқи атомии Чернобил эътибори махсус зоҳир гардида, онҳо ҳамеша зери таваҷҷуҳу ғамхорӣ қарор доранд. Соли гузашта дар рӯзҳои таҷлили 30-солагии бартарафкунии садамаи ин неругоҳ дар боғи фарҳангию фароғатии «Ғалаба»-и маркази вилоят  ба хотири гиромидошти номи неки бартарафкунандагони садамаи неругоҳ лавҳаи ёдгорӣ гузошта шудааст.

Тибқи нақшаи сафари корӣ ба вилояти Суғд Сафири Украина ҳамчунин аз Минтақаи озоди иқтисодии «Суғд», Маҷмааи таърихию фарҳангии «Қалъаи Хуҷанд», Маҷмааи таърихӣ – фарҳангии «Истиқлол», Боғи миллии «Ваҳдат», шаҳраки Сайҳун ва Қасри Арбоб  дидан мекунад.

Апрель 4, 2017 17:35

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад