Назри Яздон дар китоби наваш шаҳрвандони Тоҷикистонро дар ин ҷаҳони пуртазод ва пурмоҷаро ба зиракиву ҳушёрии сиёсӣ даъват намудааст

Апрель 26, 2017 09:29

ДУШАНБЕ, 26.04.2017. /АМИТ «Ховар»/. Бахшида ба Соли ҷавонон ва 20-солагии Рӯзи Ваҳдати миллӣ нашри сеюми китоби Шоири халқии Тоҷикистон Назри Яздон таҳти унвони « Ҳикмати озодагон» ба табъ расид.
Тавре муаллифи китоб ба хабарнигори АМИТ «Ховар» иброз намуд, ин китоб аслан дар жанри эссе навишта шудааст. Муҳтавои он фалсафиву адабӣ буда, ба тадбиру тақдири ҳувияти миллӣ ва фарҳанги имрӯзаи тоҷикон бахшида шудааст. Дар ин асар моҳияти маданияти тоҷик, мавқеи он дар тамаддуни ҷаҳонӣ, хусусиятҳои асолати миллӣ, моҳияти иҷтимоӣ, сиёсати ваҳдати миллӣ дар гирдобу тундбоди беамон, бебозгашт будани ҷаҳонишавӣ мавриди таҳлили ҷиддии усулӣ ва илмӣ қарор гирифтааст. Нашри сеюм тақрибан 70 дарсад маводи нав аст.
Муаллиф дар сарсухани китоб овардааст: «Таҳдидҳои нави ҷаҳонӣ, аз ҷумла «Давлати исломӣ» ногузир аз ҳар як шаҳрванди Тоҷикистон тақозо мекунанд, ки огоҳии сиёсиаш бештар аз ҳарвақта комилтар, коромадтар, фавритар, замонавитар бошад. Ҳатман қадам ба қадами технологияи иттилоотӣ, ҳатман ба қадами суръати асри сареъуссайр, тезпои асри XXI…».
Дар нашри сеюми китоб муаллиф ҳамчунин зарур шуморидааст, ки як таҳлили оммафаҳмро аз назари як шаҳрванди оддӣ пешниҳоди хонанда гардонад. Ва гуфтааст, ки ин таҳлил ҳадафи дахолат ба сиёсати ягон кишварро надорад. Танҳо ба хотири ворид будан дар ҷараёни сиёсати имрӯза, ёфтани роҳи хештан дар ин сиёсат, қудрат пайдо кардан, ки манфиатҳои сиёсии Ватани худро шинохта ва дифоъ карда бошем.
Ҳамчунин дар сарсухани китоб муаллиф аз андешаҳои арбобони илму фарҳанги ҷаҳонӣ, аз қабили Малику-ш-шуаро Баҳор, Саид Нафисӣ, Г.В.Ф. Гегел, Ф. Ленорман, М. Ломоносов, Б. Ғафуров, Ҷ. Рейнолдс, М.В. Лавров ва дигарон дар бораи тоҷикон иқтибосҳоро ҷой додааст.

Апрель 26, 2017 09:29

Хабарҳои дигари ин бахш

Дар Швейтсария либосҳои миллӣ ва ҳунарҳои мардумии Тоҷикистон муррифӣ шуданд
САҲМ ГУЗОШТАН ДАР ОБОДОНИИ ВАТАН НИЗ ИБОДАТ АСТ. Сокини ноҳияи Айнӣ ба ҷойи адои ҳаҷҷи фарзӣ барои ҳамдеҳагонаш пули дарозиаш 6 метр сохт
Имрӯз дар Тоҷикистон ҳаво 23 дараҷа гарм мешавад
Дар ноҳияи Фирдавсии шаҳри Душанбе ташкилоти ҳизбии «Арвис» таъсис ёфт
Дар Суғд таҳкими муносибатҳои дӯстонаи Тоҷикистон ва Русия баррасӣ гардид
«ШАҲРИ МАН – ХОНАИ МАН». Дар ноҳияи Шоҳмансури шаҳри Душанбе 15 000 бех гули ороишии мавсимӣ шинонида шуд
Имрӯз дар Тоҷикистон ҳаво тағйирёбандаи бебориш мешавад
Дар Кумитаи ҳолатҳои фавқулода бо намояндаи Агентии давлатии назорати молиявӣ ва мубориза бо коррупсияи Тоҷикистон вохӯрӣ доир гардид
Имрӯз дар Тоҷикистон ҳаво 24 дараҷа гарм мешавад
Гурӯҳҳои корӣ ба сокинони шаҳри Роғун муҳтавои суханронии Президенти Тоҷикистон муҳтарам Эмомалӣ Раҳмонро фаҳмониданд
Дар Донишгоҳи давлатии Хоруғ бахшида ба Рӯзи ҳифзи пиряхҳо омӯзиши илмӣ – назариявӣ баргузор гардид
Имрӯз дар Тоҷикистон ҳавои тағйирёбандаи бебориш мешавад