Поксозии маҷро ва таҳкими соҳили дарёҳо дар ВМКБ оғоз ёфт

Апрел 21, 2017 11:14

Хабарҳои мавзӯъ

Поксозии маҷро ва таҳкими соҳили рӯдхонаҳо дар ВМКБ оғоз ёфт_1

ХОРУҒ, 21.04.2017. /АМИТ «Ховар»/. Маркази татбиқи лоиҳаи «Таъмини устувории ҳавзаи дарёи Панҷ ва тағйирёбии иқлим» дар қитъаҳои осебпазири ҳудуди Вилояти Мухтори Кӯҳистони Бадахшон ба поксозии маҷро ва соҳили дарёҳо оғоз намуд.  Ҳукумати Ҷумҳурии Тоҷикистон бо гарм шудани ҳаво ва бар асари он афзоиш ёфтани офатҳои табиӣ, бахусус обхезию селфуроӣ аз соли гузашта ба ин сӯ ин иқдомро роҳандозӣ намуд. Соли равон амалисозии ин лоиҳа дар ноҳияҳои Ишкошим, Роштқалъа ва Рӯшон ба нақша гирифта шудааст. Яке аз муҳандисони лоиҳаи мазкур Додарҷон Мӯъминҷонов гуфт, ки «ҳоло коргарони ҶДММ «Ҷовид» бо истифода аз чаҳор техникаи пуриқтидор  ба тоза ва васеъ кардани рӯдхонаи кӯҳӣ дар деҳаи Баррӯшони ноҳияи Рӯшон шурӯъ карданд. Ин як минтақаи хеле осебпазир аст. Ду соли пеш сатҳи рӯдхонаи кӯҳӣ баланд гардида, ба 80 хонаи истиқоматӣ зарари ҷиддӣ расонд».

Аксарияти сокинони ин деҳа дар қитъаи замини канори дарёи Панҷ сабзавоту зироат кишт мекунанд ва ҳосили хуб ба даст меоранд. Аммо ду соли охир ба сабаби обхезӣ кишти сокинони деҳа зери об мемонад ва заҳмати онҳо барабас меравад. Раиси ҷамоати ба номи Назаршо Додихудоеви ин ноҳия Амонбек Амонбеков изҳор дошт, ки «қад-қади дарё наздики 80 гектар замини корам мавҷуд аст ва хоҷагиҳои деҳқонӣ сабзавоту зироатро ҳам барои худ  захира мекунанд ва ҳам як қисми онро ба фурӯш мегузоранд».

Коргарони ҶДММ «Ҷовид» тасмим гирифтаанд, ки то мавсими обхезӣ корҳои соҳилмустаҳкамкунӣ ва пок кардани маҷрои рӯдхонаҳоро ба анҷом расонанд.

Апрел 21, 2017 11:14

Хабарҳои дигари ин бахш

Роҳҳои пиёдагард ба талаботи шаҳрсозӣ мутобиқ карда мешавандРоҳҳои пиёдагард ба талаботи шаҳрсозӣ мутобиқ карда мешаванд
Мария Ливицкая _229 апрел-Рӯзи байналмилалии рақс: рақс одамонро муттаҳид месозад
Новый рисунокДар Ҳамадонӣ 900 нафар шаҳрвандон ба курсҳои кӯтоҳмуддати омӯзишӣ фаро гирифта шуданд
НаклётНашрияи «Нақлиёт» 20- сола шуд
Мизи мудаввар дар Барки Точик..Нозирони меҳнат-ҳимоякунандаи манфиати меҳнаткашонанд
Мавсими имсолаи обхезӣ ба манзил ва майдони кишти сокинони шаҳраки Ваҳдати ноҳияи Ванҷ осеб намерасонадМавсими имсолаи обхезӣ ба манзил ва майдони кишти сокинони шаҳраки Ваҳдати ноҳияи Ванҷ осеб намерасонад
«Иксири саодат» ва «Армуғони аҳли дил» ба китобхонаҳои марказии вилояти Суғд туҳфа гардиданд«Иксири саодат» ва «Армуғони аҳли дил» ба китобхонаҳои марказии вилояти Суғд туҳфа гардиданд
обрасониКанали Хоҷабоқирғон аз оғози мавсими обёрӣ ба кишоварзон зиёда аз 5 млн куб об расонидааст
мукикишиноси маъруфи точик дар ХитойМусиқишиноси маъруфи тоҷик ба донишҷӯёни Консерваторияи марказии Хитой аз нозукиҳои санъати Шашмақом маърӯза мехонад
сохтакориСуди ноҳияи Рӯдакӣ ду нафарро барои қаллобию сохтакорӣ аз озодӣ маҳрум кард
хаво боронИмрӯз дар ҷумҳурӣ борони кӯтоҳмуддат меборад
чалб ба Давлати исломиҶ. Ҳакимов барои ҷалб кардани шаҳрвандон ба ташкилоти экстремистию террористии ба ном «Давлати исломӣ» 15 сол аз озодӣ маҳрум гардид