Сафорати Ҷумҳурии Тоҷикистон дар Токио соҳибкорони Японияро ба ҳамкорӣ даъват намуд

Апрель 15, 2017 13:23

ДУШАНБЕ, 15.03.2017 /АМИТ «Ховар»/. Сафорати Ҷумҳурии Тоҷикистон дар Япония нишасти кориро бо иштироки соҳибкорони кишвари иқомат дар мавзӯи «Муҳити макроиқтисодӣ ва имкониятҳои сармоягузории Тоҷикистон барои ширкатҳои хориҷӣ» баргузор намуд.
Дар ҷамъомад намояндагони вазоратҳои корҳои хориҷӣ, иқтисоду савдо ва саноати Япония, Иттиҳодияи дӯстии Тоҷикистону Япония оид ба ҳамкории иқтисодиву фарҳангӣ, Роҳбари Намояндагии доимии Бонки аврупоии таҷдид ва рушд дар Япония, Ҷамъияти Япония оид ба савдо бо Россия ва Иттиҳоди Давлатҳои Мустақил (ROTOBO), Донишкадаи иқтисодӣ ва энергетикии Япония, Донишкадаи робитаҳои байналмилалии асъор ва дигар намояндагони ширкатҳои бузурги японӣ иштирок намуданд.
Ҳамрохон Зарифӣ, Сафири Фавқулода ва Мухтори Ҷумҳурии Тоҷикистон дар Япония ба иштирокдорони вохӯрӣ оид ба рушди батадриҷи тиҷорату иқтисодиёт дар Ҷумҳурии Тоҷикистон, имкониятҳои мусоиди сармоягузорӣ ва зарурати ҷалби технологияи муосири Япония дар бахшҳои мухталифи соҳаи саноати Тоҷикистон маълумоти муфассал дод.
Дар ҷамъомад ҳамчунин Неъматулло Ҳикматуллозода, Вазири рушди иқтисод ва савдои Ҷумҳурии Тоҷикистон дар бораи муҳити макроиқтисодӣ ва имкониятҳои сармоягузории Тоҷикистон барои ширкатҳои хориҷӣ маърӯза намуд. Иштирокдорони ҷамъомад аз раванди татбиқи тарҳҳои афзалиятноки кишвар, барномаҳои рушди соҳаи инфрасохтори нақлиётӣ, кишоварзӣ, гидроэнергетика, истихроҷ ва саноати кимиёӣ бо назардошти ҷалби технологияи муосир шинос гардиданд, ки тарҳҳои мазкур дар доираи Стратегияи миллии рушди Ҷумҳурии Тоҷикистон барои давраи то соли 2030 ва Барномаи миёнамуҳлати рушди Тоҷикистон барои солҳои 2016-2020 ба нақша гирифта шудааст.
Намояндагони Тоҷикистон аз ширкатҳои бузурги японӣ даъват карданд, то бо ҳамтоёни тоҷикистонии худ дар татбиқи тарҳҳои мутақобилан судманд ва бунёди корхонаҳои муштараки истеҳсолӣ бо истифода аз ашёи хоми кишвари мо фаъолона ҳамкорӣ намоянд. Хамчунин таъкид намуданд, ки Ҷумҳурии Тоҷикистон барои сармоягузории ширкатҳои японӣ муносиб мебошад.
Миёни иштирокчиён дар бораи тамоюл ва дурнамои ҳамкории минбаъда табодули андеша сурат гирифт.

Апрель 15, 2017 13:23

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид