Таъмини дастрасии бештари аҳолӣ ба хизматрасониҳои камхарҷи дармонгоҳӣ

Апрел 4, 2017 17:19

Хабарҳои мавзӯъ

Хафизов-ВТ Барномаи кафолатхои давлати

ДУШАНБЕ, 04.04.2017 /АМИТ «Ховар»/. Тавре огоҳӣ дорем, моҳи феврали соли равон Ҳукумати Ҷумҳурии Тоҷикистон бо қарори махсус «Барномаи кафолатҳои давлатӣ оид ба таъмини аҳолӣ бо кумаки тиббию санитарӣ дар ноҳияҳои таҷрибавии Ҷумҳурии Тоҷикистон барои солҳои 2017-2019»-ро ба тасвиб расонд.
Тамоюли татбиқи барномаи мазкур дар кадом сатҳ ҷараён дорад? Дар робита ба ин савол ва дигар паҳлуҳои мавзуъ хабарнигори АМИТ «Ховар» Саидалӣ Ҳафизов, сардори Раёсати иқтисод ва банақшагирии буҷети соҳаҳои тандурустӣ ва ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷавоб дод.
Саидалӣ Ҳафизов аз ҷумла гуфт, ки қабули барномаи мазкур дар доираи маблағҳои буҷети давлатӣ муайян намудани ҳаҷм ва тартиби хизматрасонии тиббию санитарии ройгон ба шаҳрвандон ва гурӯҳҳои имтиёзноки аҳолии кишварро дар назар дорад. Мавсуф афзуд, ки шурӯъ аз соли 2007 «Барномаи кафолатҳои давлатӣ оид ба таъмини аҳолии ноҳияҳои таҷрибавии Ҷумҳурии Тоҷикистон бо кумаки тиббию санитарӣ» дар шаҳру ноҳияҳо ба таври таҷрибавӣ оғоз гардида, алҳол он дар шаҳрҳои Сарбанд, Норак, Истаравшан ва Турсунзода, инчунин ноҳияҳои Данғара, Панҷ, Мир Саид Алии Ҳамадонӣ, Спитамен, Ашт, Шуғнон, Рашт, Шаҳринав, Варзоб ва Файзобод татбиқ карда мешавад. Инчунин он зина ба зина дар муассисаҳои тиббии дигар шаҳру ноҳияҳои кишвар- Истиқлол, Кӯҳистони Мастчоҳ, Рӯшон, Ховалинг ва Шамсиддин Шоҳин ба роҳ монда мешавад.
Ҳамзамон С. Ҳафизов зикр кард, ки яке аз ҳадафҳои Барномаи кафолатҳои давлатӣ оид ба таъмини аҳолӣ бо кумаки тиббию санитарӣ дар ноҳияҳои таҷрибавии кишвар коҳиш додани бистарикунонии беасос ва харҷи маблағҳои буҷети давлатӣ дар сатҳи беморхонавӣ, таъмини дастрасии бештари аҳолӣ ба хизматрасониҳои камхарҷи дармонгоҳӣ ва афзалият ба рушди самтҳои пешгирии бемориҳо ва оризаҳои онҳост. Дар раванди татбиқи барнома дар ноҳияҳои таҷрибавӣ сатҳи бистарикунонӣ ва харҷи маблағҳои буҷети давлатӣ дар сатҳи беморхонавӣ кам гардида, хизматрасониҳои камхарҷи дармонгоҳӣ, яъне ташрифи дармонгоҳӣ афзудааст. Дар доираи татбиқи барнома солҳои охир ба бештари беморон, алалхусус табақаи осебпазири ҷомеа ба таври ройгон хизмати тиббӣ расонида шуд.
Ба андешаи С. Ҳафизов, таҳлилҳо бозгӯи онанд, ки ташрифҳои дармонгоҳӣ дар навоҳии таҷрибавӣ дар давраҳои пеш аз воридшавии барнома (соли 2006) ва дар соли 2016 нисбат ба 1 нафар аҳолӣ дар як сол аз 2,4 то ба 2,8 нафар афзудааст. Дар сатҳи бистаришавӣ дар ноҳияҳои таҷрибавӣ дар давраҳои пеш аз воридшавии барнома (соли 2006) ва дар соли 2016 аз 9,3 ба 100 нафар аҳолӣ то ба 6,9 нафар паст гардидааст. Натиҷаи таҳлили нишондиҳандаҳои 14 шаҳру ноҳияҳои таҷрибавии барнома дар соли 2016 аз он шаҳодат медиҳад, ки наздик ба 115 ҳазор нафар бемор дар доираи барномаи мазкур дар беморхонаҳои марказӣ муолиҷа гирифтаанд, ки аз ин омор ба зиёда аз 61 ҳазор нафар ё 53,8 фоиз беморон ба таври ройгон хизматрасонии тиббӣ расонида шуд.
Ҳиссаи маблағҳои ҳампардохт нисбат ба маблағҳои буҷетӣ дар муассисаҳои госпиталӣ 19,1 фоиз ва дар муассисаҳои кумаки аввалияи тиббию санитарӣ 4,4 фоизро ташкил медиҳад.
Дар соли 2016 воридоти маблағҳои ҳампардохти Барномаи кафолатҳои давлатӣ оид ба таъмини аҳолӣ бо кумаки тиббию санитарӣ дар ноҳияҳои таҷрибавии кишвар дар сохтори беморхонавӣ 14 миллиону 338 ҳазору 990 сомонӣ буда, аз ин 14 миллиону 95 ҳазор сомонӣ ё 98,3 фоиз хароҷот гардиданд.
Дар муассисаҳои кумаки аввалияи тиббию санитарӣ дар соли 2016 воридоти маблағҳои ҳампардохти Барномаи кафолатҳои давлатӣ оид ба таъмини аҳолӣ бо кумаки тиббию санитарӣ дар ноҳияҳои таҷрибавии Ҷумҳурии Тоҷикистон 3 миллиону 177 ҳазор 379 сомониро ташкил намуда, аз ин маблағ 3 миллиону 93 ҳазору 448 сомонӣ ё 97,4 фоиз хароҷот шудааст. Инчунин С. Ҳафизоф зикр намуд, ки дар муассисаҳои беморхонавии шаҳру ноҳияҳои таҷрибавӣ аз ҳисоби ҳампардохти аҳолӣ барои хариди доруворӣ 8 миллиону 67 ҳазору 420 сомонӣ (57,2%), барои музди маоши иловагӣ ба кормандон беш аз 3,3 миллион сомонӣ (23,6%) ва дигар хароҷоти ҷорӣ 2,6 миллион сомонӣ (19,2%) сарф карда шудааст. Дар сатҳи муассисаҳои кумаки аввалияи тиббию санитарӣ аз ҳисоби ҳампардохти аҳолӣ барои хариди доруворӣ беш аз 757 ҳазор сомонӣ, музди маоши иловагӣ ба кормандон зиёда аз 1,9 миллион сомонӣ ва дигар хароҷот беш аз 1,2 миллион сомонӣ (40,2%) сарф карда шудааст.
Ҳамзамон бо қабули барномаи мазкур имконияти ҷалби ҳамкорон оид ба рушд ва лоиҳаҳои инвеститсионӣ доир ба беҳтар намудани инфрасохтори муассисаҳои кумаки аввалияи тиббию санитарӣ ва ворид намудани усулҳои замонавии ташхису табобати беморон, таъмини дастрасии аҳолӣ ба хизматрасонии босифати тиббӣ бештар мегардад. Вазорат тибқи дастури Президенти кишвар Эмомалӣ Раҳмон аллакай бо намояндагони созмонҳои байналмилалӣ вохӯриҳо гузаронида, ҷиҳати ба роҳ мондани корҳои таъмирию барқарорсозӣ ва харидории таҷҳизоти асосии тиббӣ нақшаи чорабиниҳоро тарҳрезӣ намудааст.

Ибодат ДАВЛАТОВА

Апрел 4, 2017 17:19

Хабарҳои дигари ин бахш

Фаридун ХакимовАз садамаи Чернобил 31 сол гузашт. Иштироккунандагони бартарафсозии оқибатҳои он дар ҳаёти ҷомеа фаъолона иштирок доранд
Академияи илмхо16 апрел-Рӯзи илми тоҷик. Президенти АИ Тоҷикистон Фарҳод Раҳимӣ оид ба натиҷаҳои олимони тоҷик дар солҳои Истиқлолият
мусохиба-зафарчон Бурхонзода Вазорати рушди иктисодВазъи имрӯзаи бозори дохилии асъор: оё омилҳои иқтисодие ҳастанд, ки қурби асъори миллиро мӯътадил нигоҳ доранд?
Кум ЗанонИ. Қосимзода: «Барномаи нав бо мақсади ҷалб ва пешбарии занҳо ба вазифаҳои роҳбарикунанда қабул гардидааст»
a-muhammadАбдураҳмон Муҳаммад: «Аз ҳадди эътидол гузаронидан ва ба ифрот расонидани демократия озодии мардумонро маҳдуд менамояд ва боиси анархия мешавад»
DSC_0006Нурулло Маҳмадуллозода: «Мақсади авф кумак ба муҳоҷирон ҷиҳати қонунӣ намудани будубоши худ дар ҳудуди Федератсияи Россия мебошад»
Дилшод Назаров муовинДилшод Назаров дар бораи рафтори Устопириён: «Қимати одоби варзишгар аз қимати медали тиллои олимпӣ ҳам баландтар аст!»
Абдуллоҳ Муҳаммад Ал-Бассомӣ ва Шукӯҳи ДАЛЕР, хабарнигори АМИТ «Ховар»Абдуллоҳ Муҳаммад Ал-Бассомӣ: «Тоҷикистон табиати биҳиштосо дорад»
Навруз муборак!Нафаси тозаи Наврӯз муборак бошад!
Тағоймурод ГуловТағоймурод Гулов: «Тоҷикистон ҳамчун ташаббускор дар соҳаи об эътироф гардидааст»
Нурали НурзодНуралӣ Нурзод: «Наврӯз ҷашни офариниш, таваллуди инсон ва паёми зиндагисози ворисони он ба ҷаҳониён аст»
Таманно15 март — Рӯзи байналмилалии ҳимояи ҳуқуқи истеъмолкунандаҳо. Агар ҳуқуқатро донӣ, дар зиндагӣ дарнамемонӣ!