Тренинги омӯзишӣ оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм дар Москва

Апрель 18, 2017 17:23

ДУШАНБЕ, 18.04.2017 /АМИТ «Ховар»/. Дар шаҳри Москваи Федератсияи Россия, дар доираи омодагӣ ба даври дуюми баҳодиҳии тарафайни Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм, барои ҳайати байниидоравии Ҷумҳурии Тоҷикистон тренинги омӯзишӣ доир гардид. Дар ин бора аз Бонки миллии Тоҷикистон хабар доданд.
Дар барномаи омӯзишӣ, ки аз ҷониби Маркази байналмилалии таълимию методии мониторинги молиявӣ (МБТMMM) дар доираи ҳамкории дуҷонибаи Ҷумҳурии Тоҷикистон ва Федератсияи Россия баргузор гардид, намояндагони мақомоти cалоҳиятдори давлатии Ҷумҳурии Тоҷикистон дар самти муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм (МҚД/МТ) ширкат доштанд.
Дар ҷараёни тренинги омӯзишӣ масъалаҳои муҳим оид ба мутобиқкунонии низоми миллии МҚД/МТ бо меъёрҳои байналмилалӣ дар самти шустушӯи пулҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом, баҳодиҳии ҳавфҳо дар самти шустушӯи пул, маблағгузории терроризм ва ҳамоҳангсозӣ дар сатҳи миллӣ, стандартҳои байналмилалӣ дар самти МҚД/МТ нисбат ба мақомоти назоратӣ, фаъолияти фаврӣ ва ҳифзи ҳуқуқ баррасӣ гардиданд.
Иштирокдорони барнома ҳангоми муҳокимаҳо аз таҷрибаҳои хеш дар самти муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм дар Ҷумҳурии Тоҷикистон сухан гуфтанд.

Апрель 18, 2017 17:23

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт