Як гурӯҳ нашъаҷалобон аз озодӣ маҳрум гардиданд

Апрель 6, 2017 10:05

ДУШАНБЕ, 06.04.2017 /АМИТ «Ховар»/. Суди ноҳияи И. Сомонии шаҳри Душанбе шаҳрвандон П. Қодиров, С. Холов, М. Раҷабов ва С. Воҳидовро бо моддаҳои 200 қисми 4 банди «д» ва 347 қ. 2 КҶ Ҷумҳурии Тоҷикистон, яъне барои муомилоти ғайриқонунии маводи мухаддир ва хабар надодан дар бораи ҷиноят гунаҳгор дониста, С. Холовро ба муҳлати 16 солу 6 моҳ, П. Қодиров ва М. Раҷабовро ба муҳлати 15 солӣ ва С. Воҳидовро ба муҳлати 4 сол аз озодӣ маҳрум кард.
Бино ба иттилои маркази матбуоти Прокуратураи генералӣ, П. Қодиров, С. Холов, М. Раҷабов моҳи октябри соли 2016 аз шаҳрванди Ҷумҳурии Исломии Афғонистон Самандар Муҳаммад Амин дар ҳудуди шаҳри Душанбе 26 кг 414 гр. маводи нашъадори навъи «ҳашиш» ба даст оварда, онро то моҳи ноябри соли 2016 дар деҳаи Ҷавонони Ҷамоати деҳоти Дурбати шаҳри Ҳисор ғайриқонунӣ нигоҳ доштаанд.
13 ноябри соли 2016 П. Қодиров ва М. Раҷабов дар кӯчаи Макарови шаҳри Душанбе ҳангоми интиқоли халтаҳо ба бағоҷи автомашина дар ҷои ҳодиса дастгир гардида, аз онҳо 74 кг 076 гр воситаҳои нашъадори навъи «ҳашиш» дарёфт ва мусодира карда шуд.
С. Қодиров аз ҷои ҳодиса ғайб зада, дар манзили истиқоматии С. Воҳидов, ки аз ҷинояти номбурда тавассути рафиқаш С. Холов хабар дошт, пинҳон шудааст. С. Воҳидов барои аз тафтишот пинҳон шудани П. Қодиров дар манзили истиқоматиаш шароит фароҳам оварда, ба мақомоти ҳифзи ҳуқуқ хабар надодааст.

Апрель 6, 2017 10:05

Хабарҳои дигари ин бахш

Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд