21 май — Рӯзи Дави миллӣ

ДУШАНБЕ, 04.05.2017 /АМИТ «Ховар»/. Рӯзи Дави миллӣ имсол дар Душанбе 21 май соати 09:00 баргузор мегардад. Дар ин бора ба АМИТ «Ховар» аз Кумитаи миллии олимпии Ҷумҳурии Тоҷикистон хабар доданд.
Ба иттилои манбаъ, масофаи дави миллӣ зиёда аз 10 км-ро дарбар гирифта, аз даромадгоҳи маҳаллаи Чорбоғ оғоз мегардад. Иштирокчиён тавассути хиёбони Ҳофизи Шерозӣ то Наврӯзгоҳ миёни ҳам сабқат менамоянд.
Дар интиҳо ғолибон муайян гардида, ба онҳо медалу ифтихорнома ва туҳфаҳои хотиравӣ тақдим карда мешаванд.
Бояд зикр кард, ки рӯзи Дави миллӣ бо ташаббуси Президенти Ҷумҳурии Тоҷикистон Эмомалӣ Раҳмон аз соли 2007 инҷониб ҳар якшанбеи сеюми моҳи май баргузор мешавад.