Ашт: 10 тонна зардолуи ватанӣ ба Россия содир карда шуд

Май 26, 2017 12:01

ДУШАНБЕ, 26.05.2017. /АМИТ «Ховар»/. Ноҳияи Ашт дар миқёси кишвар аз ноҳияҳое маҳсуб мешавад, ки бо содир кардани зардолуи тар ва хушк ба берун аз Тоҷикистон машҳур гардидааст. Айни замон дар ноҳия мавсими содироти зардолуи тар оғоз гардида, аввалин қатораи содиротии дорои зардолуро соҳибкор Пӯлод Ашӯров ба Федератсияи Россия равон намуд, ки беш аз 10 тоннаро ташкил дод. Дар ин бора аз Мақомоти иҷроияи ҳокимияти давлатии ноҳияи Ашт хабар доданд.

Раиси ноҳияи Ашт Зариф Мирдадо аз коргоҳи банду басти зардолуи тар дидан карда, зикр намуд, ки «техникаи замонавӣ барои дар бозорҳои ҷаҳонӣ харидори зиёд пайдо кардани зардолуи пешпазаки Тоҷикистон, ки моҳи май ба бозор мебарояд, мусоидат мекунад. Ворид кардани техникаи мазкур аз он шаҳодат медиҳад,  ки соҳибкорони ноҳияи Ашт талаботи бозорҳои ҷаҳониро омӯхта, маҳсулоти кишварамонро ба талаботи бозорҳои ҷаҳонӣ мутобиқ намуда истодаанд».

Бояд гуфт, ки соли 2013 Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон зимни сафари корӣ ба ноҳияи Ашт корхонаи Ҷамъияти дорои масъулияти маҳдуди «Зардолу ва Кампания»-ро, ки онро соҳибкори маҳаллӣ Пӯлод Ашӯров бунёд намудааст, ба истифода дода буданд. Ин коргоҳ ҳар сол зиёда аз 1000 тонна зардолуи тарро ба Русия содир менамояд. Дар баробари ин зиёда аз 40 нафар ҳамасола бо кори масвимӣ таъмин мешаванд.

Соли равон бо харҷи 1,5 миллион сомонӣ ба ин коргоҳ техналогияи нави италиявӣ ворид гардид, ки он тариқи автоматӣ зардолуро бе осеб банду баст менамояд. Ин техникаи нави банду басти зардолуи тар дар як шабонарӯз то 50 тонна зардолуро метавонад коркард намояд.

 

 

Май 26, 2017 12:01

Хабарҳои дигари ин бахш

Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?
Тоҷикистон ва Узбекистон татбиқи лоиҳаҳои манфиатбахши муштаракро баррасӣ намуданд