Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»

Май 17, 2017 17:17

Хабарҳои мавзӯъ

DSC_0759+

ДУШАНБЕ, 17.05.2017. /АМИТ «Ховар»/. Бо ташаббуси Мақомоти иҷроияи ҳокимияти давлатии  шаҳри Душанбе  ва дастгирии сокинон   Душанбе  рӯз то рӯз ободу  зебо   мегардад. Дарахтони ҳамешасабзи сояафкану ороишӣ, гулҳои рангоранг ва сабзазори  кӯчаву хиёбонҳои он дили ҳар бинандаро ба ваҷд оварда,  ба пойтахт  ҳусну таровати тоза  мебахшанд.

Тавре маълум аст, ин ҳама ободиву зебоӣ  ба осонӣ ба даст намеояд. Субҳи барвақт, вақте ки сокинону меҳмонони пойтахт ҳанӯз дар хоби нозанд,  кормандони муассисаҳои давлатии  истифодабарии   роҳҳои ноҳияҳои  шаҳри Душанбе  ба тозаву ороста намудани кӯчаву хиёбонҳои он машғуланд.

DSC_0723+Имрӯз хабарнигори  АМИТ «Ховар»  бо  ҷараёни кори кормандони Муассисаи давлатии  истифодабарии роҳҳои ноҳияи Синои шаҳри Душанбе бевосита шинос шуда, бо сардори муассисаи  мазкур  Азизулло Зиёзода  ҳамсуҳбат гардид. Номбурда оид ба фаъолияти муассиса дар самти ободониву сабзазоркунӣ  чунин изҳори андеша  намуд:

«Ноҳияи Сино яке аз калонтарин ноҳияҳои пойтахт маҳсуб шуда,  масоҳати он  43,8 км/ мураббаъро ташкил медиҳад ва   теъдоди аҳолиаш зиёда аз  307,3 ҳазор нафар  мебошад. Табиист,  ки ҳаҷми корҳои ободониву нигоҳдории роҳҳо дар ноҳияи мо  назар ба дигар ноҳияҳои пойтахт зиёдтар аст. Дар Муассисаи давлатии  истифодабарии роҳҳои ноҳияи Сино 1470 нафар корманд фаъолият дошта, 1060 нафари онҳоро роҳрӯбон ташкил медиҳанд.  Дар тавозуни муассиса 67 адад нақлиёт  қарор дорад, ки ба аҳолӣ дар бурдани партовҳо, кашонидани об ва дигар корҳо хизмат мерасонанд. Айни замон корҳои ободонӣ, таъмири ҷории роҳҳо, шинонидани гулҳо, ташкил намудани чаманзор, тоза нигоҳ доштани роҳу ҷӯйборҳо дар   ноҳия муташаккилона ҷараён доранд.

То имрӯз дар ҳудуди ноҳияи Сино 3370 бех ниҳол,  аз ҷумла   1140 бех  дарахтони сояафкан,  1940 бех  дарахтони ороишӣ  ва  290  бех дарахтони буттагӣ,  дар масоҳати 3630 метри мураббаъ гулҳои бисёрсола, дар масоҳати 14406 метри мураббаъ гулҳои мавсимӣ,  дар масоҳати 2820  метри мураббаъ  гулҳои канна ва дар масоҳати 1300 метри мураббаъ гулҳои  лола шинонида шудаанд.

DSC_0744+

Инчунин  дар масоҳати 18 ҳазору 744 метри мураббаъ  чаманзор (сабзазор)  ташкил карда шуда, роҳҳои ҳудуди ноҳия ба масоҳати 6 682 метри мураббаъ таъмир гардидаанд.

Дарахтони шафати роҳҳо мунтазам аз шоху навдаҳои зиёдатӣ тоза гардида, дарахтони ороишӣ ба шакл дароварда мешаванд. Дар гузаргоҳҳои зеризаминии назди «Боғи ҳайвонот», Қарияи боло ва Терминали мусофиркашонӣ таъмири ҷорӣ гузаронида шуд.

Фаввораҳои назди ҳайкали Абуалӣ ибни Сино ва Кӯли «Чавонон», ки  дар тавозуни муассисаи мо қарор доранд, таъмир гардида, пурра  фаъолият доранд.

DSC_0761+

Роҳу роҳравҳо, гузаргоҳи зеризаминӣ, ҷӯйборҳо ҳамарӯза рӯбучин ва тозаву озода гардонида мешаванд. Истгоҳҳои нақлиёти мусофиркашонӣ дар ҳолати хуби санитарӣ нигоҳ дошта шуда, дар мавридҳои зарурӣ таъмир карда мешаванд.

Мо аз ҳамаи сокинони ноҳия  даъват ба амал меорем, ки ба қадри заҳмати сангини роҳрӯбҳо расанд, зеро тозагиву озодагӣ вақте муяссар мегардад, ки дигарон  онро риоя намоянд, нагузоранд, ки сабзазору дарахтони бо заҳмати зиёд парваришёфта поймолу шикаста гарданд.

Сокини пойтахт будан ифтихори бузург аст. Сокинони мо низ кӯшиш намоянд, ки ба ин ифтихору шарафмандӣ сазовор бошанд.  Фаромӯш насозанд, ки тозагии шаҳри мо аз тозагии кӯчаву маҳалли зисти  ҳар яки  мо сар мешавад».

Рухсораи НУР

 

Май 17, 2017 17:17

Хабарҳои дигари ин бахш

рузи хифзи кудакон«Мо ғунчаҳои баҳори Ваҳдатем» — барномаи идона бахшида ба Рӯзи байналмилалии ҳифзи кӯдакон дар шаҳри Душанбе
Рустами Эмомали -97Дар Душанбе амалиёти «Кӯкнор-2017» роҳандозӣ мегардад
20170525_094532Масъулини шаҳри Душанбе: «Барои бо нархи дастрас таъмин намудани сокинони шаҳр бо маҳсулоти мавриди ниёзи аввал дар моҳи шарифи Рамазон шароит фароҳам оварда шудааст»
ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
DSC_0210+Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд
Хафтаи Технология ИновациЯ (4)Ҳафтаи технология, инноватсия ва ихтироъкории наврасону ҷавонони шаҳри Душанбе оғоз гардид