Аъзои Маҷлиси миллӣ тағйиру иловаҳоро ба чор қонуни конститутсионӣ ҷонибдорӣ намуданд

Май 18, 2017 14:51

Хабарҳои мавзӯъ

shuroi-olli-5

       ДУШАНБЕ, 18.05.2017 /АМИТ «Ховар»/. Чор қонуни конститутсионии Ҷумҳурии Тоҷикистон дар иҷлосияи даҳуми Маҷлиси миллии Маҷлиси Олии  Ҷумҳурии Тоҷикистон, ки 18 май дар Душанбе доир гардид, баррасӣ ва аз ҷониби аъзои палатаи болоии Парлумони  Тоҷикистон ҷонибдорӣ  гардиданд. Инҳо қонунҳои конститутсионии Ҷумҳурии Тоҷикистон  оид ба ворид намудани тағйиру иловаҳо ба қонунҳои конститутсионии Ҷумҳурии Тоҷикистон «Дар бораи интихоботи  вакилон ба маҷлисҳои  маҳаллии  вакилони халқ», «Дар бораи мақомоти маҳаллии ҳокимияти давлатӣ», «Дар бораи Суди конститутсионии Ҷумҳурии   Тоҷикистон» ва «Дар бораи мақомоти  прокуратураи Ҷумҳурии Тоҷикистон» мебошанд.  Тибқи ворид намудани тағйиру иловаҳо ба қонунҳои  конститутсионии мазкур, минбаъд дар  Суди конститутсионии Ҷумҳурии Тоҷикистон ва мақомоти прокуратураи Ҷумҳурии  Тоҷикистон танҳо нафароне фаъолият менамоянд, ки шаҳрвандии  Ҷумҳурии Тоҷикистонро дошта бошанд. Инчунин тибқи тағйиру иловаҳо ба Қонуни конститутсионии Ҷумҳурии Тоҷикистон «Дар бораи интихоботи  вакилон ба маҷлисҳои  маҳаллии  вакилони халқ» шахсоне, ки шаҳрвандии хориҷӣ доранд, ҳуқуқи дар маҷлисҳои маҳаллии вакилони халқ ба ҳайси вакил интихоб шуданро надоранд.

Зимни баррасии масъалаҳои мазкур зикр шуд, ки ҳадафи ворид намудани тағйиру иловаҳо ба қонунҳои конститутсионӣ,  мутобиқ намудани онҳо ба меъёрҳои Конститутсияи Ҷумҳурии Тоҷикистон мебошад, ки 22 майи соли 2016 дар асоси баргузории раъйпурсии умумихалқӣ ба он тағйиру иловаҳо ворид гардида буданд.

Май 18, 2017 14:51

Хабарҳои дигари ин бахш

DSC_0738+Узви тозаинтихоби Маҷлиси миллӣ савганд ёд кард
Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд (3)Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд
Шурои олли, (1)Ба Дастури Маҷлиси миллӣ тағйиру иловаҳо ворид карда шуданд
ПарлумонҶонибдории пешниҳодҳои Президент аз сӯи аъзои Маҷлиси миллӣ оид ба бозхонд ва интихоби судяҳо
Шурои олли, (1)Баррасии беш аз 50 масъала дар Шӯрои Маҷлиси миллӣ
Вазири адлияДар идораҳои САҲШ танҳо афроде кор карда метавонанд, ки дорои маълумоти олии ҳуқуқшиносӣ ва шаҳрванди Тоҷикистон бошанд
Амрихудо ДамдоровМинбаъд пинҳон доштани вазъи молу мулки аъзои Ҳукуматро мақомоти салоҳиятдор санҷида ва ошкор мекунанд
Ш. Зухуров ва Пан ЮнхеШ. Зуҳуров: «Дар иқтисодиёти Тоҷикистон Чин сармоягузори бузург аст»
Шурои олли, (1)Дар Тоҷикистон лоиҳаи қонуни нав-«Дар бораи сайёҳии дохилӣ» қабул мегардад
Парлумон-слайдДар шаҳри Душанбе иҷлосияи даҳуми Маҷлиси миллии Маҷлиси Олии Ҷумҳурии Тоҷикистон доир мегардад
Шурои олли, (1)Ваколати вакили Маҷлиси намояндагон пеш аз муҳлат қатъ гардид
parlament_0Баррасии Созишномаи грантӣ дар Парлумон