Бозиҳои аввали ҳаштякфиналии Ҷоми Тоҷикистон натиҷагирӣ шуданд

Май 29, 2017 11:39

ДУШАНБЕ, 29.05.2017 /АМИТ«Ховар»/. 27-28 май бозиҳои аввали даври ҳаштякфиналии Ҷоми Тоҷикистон оид ба футбол баргузор шуданд. Дар як бозӣ мизбонон, дар ду дидор меҳмонон ғолиб омаданд ва се бозӣ бо ҳисоби мусовӣ ба поён расид.

Дастаи  футболи «Вахш»-и Қӯрғонтеппа дар майдони худ бар  дастаи «Сомон»-и Данғара бо ҳисоби 3:2 пирӯз шуд. Дастаи  «Ваҳдат»-и шаҳри Ваҳдат дар меҳмонӣ бар дастаи  «Зарафшон»-и Панҷакент бо ҳисоби 1:0 ғолиб омад. Дастаи «Хуҷанд»-и шаҳри Хуҷанд бар дастаи мизбон-  «Регар-ТадАЗ»-и Турсунзода бо ҳисоби 3:2 ғалаба кард.

Бозии  дастаи  «Барқчӣ»-и Ҳисор дар Душанбе бо дастаи  «Равшан»-и Кӯлоб бо ҳисоби  мусовии 2:2 хотима ёфт. Дастаи  ССКА «Помир»-и Душанбе бозиро дар майдони худ бо дастаи «Панҷшер»-и Ҷалолиддини Балхӣ бо ҳисоби 0:0 анҷом дод. Дастаи «Ҳулбук»-и Восеъ низ бозиро бо дастаи меҳмон — «Эсхата»-и Хуҷанд  бидуни гол ба поён расонд.

Ёдовар мешавем, ки  бозиҳои ҷавобии ҳаштякфиналии Ҷоми Тоҷикистон рӯзҳои 1-2 июн барпо мегарданд.

Бояд зикр кард, ки дар даври ҳаштякфиналии Ҷоми Тоҷикистон 12 даста рақобат мекунанд ва ғолибони ҷуфтҳо ба марҳилаи чорякфиналӣ роҳ меёбанд. «Истиқлол»-и Душанбе, қаҳрамон ва барандаи Ҷоми Тоҷикистон ва «Ҳосилот»-и Фархор, соҳиби медали  нуқраи чемпионати кишвар ба мубориза барои Ҷом аз даври чорякфиналӣ ҳамроҳ мешаванд.

 

 

Май 29, 2017 11:39

Хабарҳои дигари ин бахш

Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод
ФУТБОЛ. Имрӯз дастаи олимпии Тоҷикистон (U-23) дар Душанбе бо дастаи мунтахаби Ветнам бозӣ менамояд