Дар Душанбе ҷаласаи ҳайати Кумитаи роҳбарикунанда оид ба муколамаи иҷтимоӣ баргузор шуд

Май 26, 2017 10:42

ДУШАНБЕ, 26.05.2017. /АМИТ «Ховар»/. Ҷаласаи  ҳайати Кумитаи роҳбарикунанда оид ба  муколамаи иҷтимоӣ 25 май дар пойтахти мамлакат  баргузор гардид.

Тавре аз хадамоти матбуоти Вазорати тандурустӣ ва ҳифзи иҷтимоии аҳолии  Ҷумҳурии Тоҷикистон хабар доданд, ин ҷаласа   бо дастгирии Ҳукумати Ҷумҳурии Тоҷикистон доир карда шуд.  Дар кори ҷаласа  муовини якуми  Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода, ҳамоҳангсози доимии агентии СММ дар Ҷумҳурии Тоҷикистон Пратибҳа Меҳта, муовини якуми раиси Федератсияи иттифоқҳои касабаи мустақили Ҷумҳурии Тоҷикистон Исмоил Шарифзода, мушовири Ташкилоти байналмилалии меҳнат Артём Сич ва масъулону мутахассисони идораҳои дахлдор иштирок намуданд.

Саида  Умарзода зикр намуд, ки соҳаи тандурустӣ ва ҳифзи иҷтимоии аҳолӣ яке аз самтҳои афзалиятноки сиёсати имрӯзаи давлат маҳсуб ёфта, дар мадди назари  Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. «Аз ин рӯ, сол аз сол ба соҳа таваҷҷуҳ  афзун гашта, ҷиҳати рушди он аз ҷониби Ҳукумати Ҷумҳурии Тоҷикистон дар ҳамкорӣ бо шарикони рушд тадбирҳои мушаххас андешида мешаванд. Тибқи  «Барномаи ҳамкорӣ  байни шарикони сетарафаи Ҷумҳурии Тоҷикистон ва Ташкилоти байналмилалии меҳнат оид ба меҳнати арзанда барои солҳои  2015-2017»,  ки  бо   қарори  Ҳукумати  Ҷумҳурии  Тоҷикистон  28 феврали  соли  2015 тасдиқ гардидааст, аз рӯи принсипи «муколамаи иҷтимоӣ» дар Тоҷикистон пеш бурдани тавсияи Ташкилоти байналмилалии меҳнат бо роҳандозии чораҳои маҷмӯӣ, ки арзёбии вазъи сатҳи ҳадди ақали ҳифзи иҷтимоии аҳолиро таъмин менамоянд,  амалӣ намудани як қатор чорабиниҳо, пешбинӣ гардидааст»,-илова намуд муовини вазир.

Бояд гуфт, ки  вазифа ва ҳадафҳои Кумитаи роҳбарикунанда аз баррасии натиҷаҳои тадқиқоту омӯзишҳо, мувофиқа ва қабули иқдомоти минбаъда, ки ба рушди низоми ҳифзи иҷтимоии аҳолӣ равона гардидаанд,  иборат мебошад.  Ҳамоҳангсози фаъолияти кумита Вазорати тандурустӣ ва ҳифзи иҷтимоии аҳолӣ ба ҳисоб рафта, ташкили кор ва пешбурди ҳуҷҷатгузориҳои алоқаманд ба фаъолияти кумитаро таъмин менамояд.

Дар ҷаласа зикр шуд, ки   яке аз мақсадҳои гурӯҳҳои таъсисдодашуда- ин аз рӯи ҳар як кафолати тавсияшуда бо дастгирии Ташкилоти байналмилалии меҳнат мавриди омӯзишу таҳқиқ қарор додани  барномаҳо дар соҳаи ҳифзи иҷтимоии аҳолӣ  мебошад.

Май 26, 2017 10:42

Хабарҳои дигари ин бахш

Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд