Дар Душанбе ҳамоиши доираҳои тиҷоратии Тоҷикистону Покистон доир мешавад

Май 10, 2017 14:44

         ДУШАНБЕ, 10.05.2017 /АМИТ «Ховар»/. Охири моҳи май дар Душанбе ҳамоиши доираҳои тиҷоратии Тоҷикистону Покистон баргузор мегардад. Омодагӣ ба ҳамоиш ва масоили тавсеаи  равобити иқтисодию тиҷоратии  Тоҷикистону Покистон зимни мулоқоти Шариф Саид, раиси Палатаи  савдо ва саноати Ҷумҳурии Тоҷикистон  бо Тариқ Иқбол Сомро, Сафири  Фавқулода ва Мухтори Ҷумҳурии Исломии Покистон дар Ҷумҳурии Тоҷикистон  дар Душанбе баррасӣ гардид.

Аз Палатаи савдо ва саноати ҷумҳурӣ ба АМИТ «Ховар» иттилоъ доданд, ки дар мулоқот Шариф Саид ба дипломати покистонӣ доир ба   вазъи  кунунии ҳамкории иқтисодию тиҷоратии Тоҷикистону Покистон ва тақвияти он бо истифода аз имконоти мавҷуда маълумот дода, гуфт, ки доир намудани ҳамоиши доираҳои соҳибкории  ду кишвар дар Душанбе  дар густариши равобити иқтисодии Тоҷикистону Покистон қадами муассир хоҳад буд.

Таъкид гардид, ки яке аз омилҳои тавсеаи равобити иқтисодӣ ва афзоиши ҳаҷми мубодилаи мол байни ду кишвар ба роҳ мондани   парвозҳои мустақим  ва тавсеаи ҳамкорӣ дар бахши ҳамлу нақли молҳо тавассути нақлиёти рӯизаминист. Зикр шуд, ки байни ду кишвар  ҳанӯз шароиту имконоти истифоданошуда дар  бахши иқтисоду тиҷорат  зиёданд.  Истифодаи самараноки имконоти мавҷуда дар оянда имкон медиҳад, ки равобити иқтисодию тиҷоратии Тоҷикистону Покистон беш аз пеш густариш ёбанд.

 

Май 10, 2017 14:44

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад