Дар Душанбе фестивали расму оин ва таомҳои миллии кишварҳои хориҷӣ гузаронида мешавад
ДУШАНБЕ, 18.05.2017 /АМИТ «Ховар»/. Корхонаи воҳиди давлатии хизматрасонии корпуси дипломатии «Тоҷикдипсервис»-и Вазорати корҳои хориҷии Ҷумҳурии Тоҷикистон бо мақсади фароҳам овардани шароити муносиб барои фаъолияту истироҳати намояндагони корпуси дипломатӣ, созмонҳои байналмилалӣ ва ташкилотҳои хориҷӣ бо истифода аз таҷрибаи корхонаҳои ҳамшабеҳи давлатҳои пешқадам як зумра барномаҳои фарҳангӣ, варзишӣ ва оммавиро тарҳрезӣ намудааст. Дар ин бора ба АМИТ «Ховар» аз КВД хизматрасонии корпуси дипломатии «Тоҷикдипсервис»-и Вазорати корҳои хориҷии Ҷумҳурии Тоҷикистон хабар доданд.
Ба иттилои манбаъ, дар ин радиф бо дастгирии Дастгоҳи иҷроияи Президенти Ҷумҳурии Тоҷикистон 20 майи соли 2017 дар «Боғи Ирам»-и пойтахт фестивали расму оин ва таомҳои миллии кишварҳои хориҷӣ, ки аз тарафи сафоратҳо ва ташкилотҳои байналмилалии муқими шаҳри Душанбе барои намоиш пешниҳод мегарданд, ба роҳ монда мешавад.
Дар назар аст, ки дар фестивал таомҳои миллии тоҷикӣ аз ҷониби намояндагони Вилояти Мухтори Кӯҳистони Бадахшон ва вилоятҳои Суғду Хатлон, шаҳрҳои Душанбею Ҳисор ва Турсунзода намоиш дода шаванд.
Мақсади фестивал — шиносоӣ бо ҳамдигар, ривоҷи дӯстию ҳамкорӣ ва муаррифии санъату анъанаҳои миллии кишварҳои хориҷию мардуми Тоҷикистон ва таблиғи инсонпарварию эҳсонкорӣ мебошад.
Дар тамоми ноҳияҳои Тоҷикистон пойгоҳҳои базавии нави 4G насб карда мешаванд
Шумораи бар асари тӯфони «Раи» ҳалокшудагон дар Филиппин ба 169 нафар расид
ҲУШДОР АЗ БОРОНҲОИ БОШИДДАТ ВА СЕЛ. Имрӯз дар баъзе ноҳияҳои Тоҷикистон борони бошиддат меборад
Дар ҷануби Чин тақрибан 110 ҳазор нафар аз сабаби бориши шадид ба ҷойи бехавф бурда шуданд
Сарфакорона истифода бурдани неруи барқ воситаи хеле муҳими таъминоти пурра бо барқ аст
Ширкати МегаФон Тоҷикистон бахшида ба Рӯзи пойтахти Тоҷикистон — Душанбе туҳфа намуд
Бар асари бархӯрди чархболҳо дар Малайзия 10 нафар ба ҳалокат расид
Гули шукуфта рамзи Соли ҳаракати ихтиёриёни ИДМ гардид
Дар партави Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф конференсияи илмӣ-амалӣ гузаронида шуд
Корхонаи бофандагии «Пиллаи тоҷик» аз абрешим атласу адраси аълосифат истеҳсол менамояд
Гурӯҳҳои корӣ дар ноҳияи Варзоб ба сокинони ҷамоатҳои шаҳраку деҳот иҷрои қонунҳои миллиро мефаҳмонанд
Имрӯз дар Тоҷикистон ҳавои тағйирёбандаи бебориш дар назар аст
