Дар Душанбе омодагӣ ба мавсими тирамоҳу зимистони солҳои 2017-2018 оғоз гардид

Май 8, 2017 10:42

Хабарҳои мавзӯъ

Душан

ДУШАНБЕ, 08.05.2017 /АМИТ «Ховар»/. Қарори Раиси шаҳри Душанбе Рустами Эмомалӣ аз 5 майи соли равон «Дар бораи омодагӣ ба мавсими тирамоҳу зимистони солҳои 2017-2018 дар шаҳри Душанбе» ба тасвиб расид, ки он бо мақсади иҷрои қарори Ҳукумати Ҷумҳурии Тоҷикистон аз 4 апрели соли 2017 «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2017-2018» нигаронида шудааст.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе хабар доданд, тибқи қарори мазкур нақшаи чорабиниҳои Мақомоти иҷроияи ҳокимияти давлатии шаҳри Душанбе дар бораи омодагӣ ба мавсими тирамоҳу зимистони солҳои 2017-2018 дар шаҳри Душанбе тасдиқ гардида, масъулини дастгоҳи Раиси шаҳри Душанбе, роҳбарони корхонаю муассисаҳои пойтахт, новобаста аз тобеияти идоравӣ ва шакли моликият вазифадор гардиданд, ки дар ин маврид нақшаи чорабиниҳои мушаххасро таҳия ва амалӣ намоянд.
Дар қарор ҳамчунин омадааст, ки Муассисаи шабакаи гармидиҳандаи шаҳри Душанбе чорабиниҳои санҷишиву омодасозии бинову иншооти таъйиноти гуногун (манзилҳои истиқоматӣ, муассисаҳои маорифу тандурустӣ ва дигар корхонаю ташкилот)-ро дар муҳлатҳои муайянгардида бо пешниҳоди шиносномаҳои тайёрӣ ба анҷом расонида, ҳамчунин мутобиқи талаботи қонунгузории амалкунанда бо истеъмолкунандагони энергияи гармӣ шартномаҳои дахлдори хизматрасониро ба имзо расонад.
Раиси шаҳр бо ин қарор Муассисаи шабакаи гармидиҳандаи шаҳри Душанбе, раисони ноҳияҳои шаҳри Душанберо дар якҷоягӣ бо мақомоти худфаъолияти ҷамъиятӣ, сохторҳои идоракунии биноҳои бисёрхонагӣ, соҳибмулкони манзили биноҳои бисёрхонагӣ вазифадор намудааст, ки баҳри омода намудани низоми гармитаъминкунӣ дар дохили биноҳои истифодаи умум тадбирҳои мушаххас андешанд.
Инчунин КВД «Обу корези Душанбе» ҷиҳати омодасозии иншооту воситаҳои технологии истеҳсолу интиқоли оби нӯшокӣ, қабулу тозакунии оби ғализ ва таъмин намудани фаъолияти мунтазаму самараноки онҳо дар мавсими тирамоҳу зимистони солҳои 2017-2018 ба миқдори меъёрӣ захира намудани маводи безараргардонӣ ва обсофкунӣ дар истгоҳҳои обтаъминкунии шаҳрӣ тадбирҳои зарурӣ андешад.
Бо мақсади таъмини иҷрои нақшаи чорабиниҳо, ба роҳ мондани фаъолияти самараноки сохторҳои шаҳрӣ ва ҳамоҳанг намудани фаъолияти онҳо бо Мақомоти иҷроияи ҳокимияти давлатии ноҳияҳои шаҳр, баррасии фаврӣ ва ҳалли арзу шикоятҳои сокинони шаҳр дар мавсими тирамоҳу зимистони солҳои 2017-2018 Ситоди шаҳрӣ таъсис дода шуд, ки ҷаласаҳои сайёри он дар ноҳияҳои шаҳри Душанбе ва сохторҳои дахлдор бо иштироки бевоситаи роҳбарони мақомоти худфаъолияти ҷамъиятӣ ва сохторҳои идоракунии биноҳои бисёрхонагӣ, роҳбарони сохторҳои шаҳриву ноҳиявии марбута гузаронида мешаванд.

Май 8, 2017 10:42

Хабарҳои дигари ин бахш

рузи хифзи кудакон«Мо ғунчаҳои баҳори Ваҳдатем» — барномаи идона бахшида ба Рӯзи байналмилалии ҳифзи кӯдакон дар шаҳри Душанбе
Рустами Эмомали -97Дар Душанбе амалиёти «Кӯкнор-2017» роҳандозӣ мегардад
20170525_094532Масъулини шаҳри Душанбе: «Барои бо нархи дастрас таъмин намудани сокинони шаҳр бо маҳсулоти мавриди ниёзи аввал дар моҳи шарифи Рамазон шароит фароҳам оварда шудааст»
ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
DSC_0210+Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0759+Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд