Дар гузаргоҳи якуми кӯчаи М. Турсунзода интиқоли оби нӯшокӣ муваққатан қатъ мегардад

Май 13, 2017 12:03

ДУШАНБЕ, 13.05.2017. /АМИТ Ховар/. Қарори Раиси шаҳри Душанбе Рустами Эмомалӣ  аз    11 майи соли равон  «Дар бораи муваққатан қатъ намудани интиқоли оби нӯшокӣ дар  қубури қутраш 325 мм, воқеъ дар гузаргоҳи якуми кӯчаи М. Турсунзода»  ба тасвиб расид.

Дар ин бора аз Раёсати иттилоот ва робитаҳои хориҷии дастгоҳи Раиси шаҳри Душанбе хабар дода,  зикр  намуданд, ки  бо мақсади татбиқи қарори Раиси шаҳри Душанбе аз 9 августи соли 2016 «Дар бораи ғолиби тендер» оид ба «Азнавсозии гузаргоҳи якуми кӯчаи М. Турсунзода (аз майдони 800 — солагии Москва то кӯчаи Пӯлодӣ) ва кӯчаи Пӯлодӣ (аз кӯчаи М. Турсунзода то кӯчаи Бухоро)», ҷиҳати пайваст намудани қубури қутраш 325 мм ба қубурҳои амалкунанда тибқи нақшаи  чорабиниҳои мувофиқашудаи Муассисаи давлатии «Раёсати сохтмон, азнавсозӣ ва таъмири роҳу кӯпрукҳои шаҳри Душанбе»-и Мақомоти иҷроияи ҳокимияти давлатии шаҳри Душанбе  муваққатан аз соати 8:00 рӯзи 17 то соати 8:00 рӯзи 18 майи соли 2017  интиқоли оби нӯшокӣ дар  қубури қутраш 325 мм, воқеъ дар гузаргоҳи якуми кӯчаи М. Турсунзода қатъ мегардад.

Дар ҷараёни пайваст намудани қубурҳои амалкунанда, воқеъ дар гузаргоҳи якуми кӯчаи М. Турсунзода, интиқоли оби нӯшокӣ ба қисматҳои алоҳидаи маҳаллаҳои аҳолинишини ноҳияи Шоҳмансур, кӯчаҳои Пӯлодӣ, Истаравшан, Ҳусейнзода, Нарзиқулов, Академикҳо Раҷабовҳо, С. Айнӣ, Беҳзод, Н. Муҳаммад, академик А. Адҳамов, гузаргоҳи якуми кӯчаи М. Турсунзода ва ноҳияи Исмоили Сомонӣ, кӯчаҳои М. Турсунзода, Шоҳтемур, Пушкин, Теҳрон, Ш. Руставелӣ ва Бохтар қатъ мегардад.

Аз истифодабарандагони об дар кӯчаҳои зикргардида хоҳиш карда мешавад, ки миқдори зарурии оби нӯшокиро барои як шабонарӯз захира намоянд.

Раиси шаҳр  бо ин қарор раисони ноҳияҳои Шоҳмансур, Исмоили Сомонӣ  ва директори Корхонаи воҳиди давлатии «Обу корези Душанбе» -ро вазифадор намуд, ки дар давраи иҷрои корҳои нақшавӣ бо истифода аз мошинҳои обкаш сокинони кӯчаҳои номбурдаро бо оби нӯшокӣ таъмин намоянд.

Ҳамчунин Маркази назорати давлатии санитарию эпидемиологии шаҳри Душанбе ҷиҳати таҳти назорат қарор додани  сифати оби нӯшокӣ  мутобиқи талаботи санитарию эпидемиологӣ вазифадор гардид.

 

 

 

 

Май 13, 2017 12:03

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст