Дар шаҳри Кӯлоб таваҷҷуҳ ба ҳунарҳои мардумӣ зиёд мегардад

Май 2, 2017 16:40

КӮЛОБ, 02.05.2017  /АМИТ  «Ховар»/. Дар шаҳри Кӯлоб бо мақсади соҳибкасб намудан ва ба шуғли доимӣ фаро гирифтани занону духтарон  коргоҳи хурди атласу адрасбофӣ фаъол гардонида шуд. Минбаъд  дар ин коргоҳ занону духтарони маҳаллӣ метавонанд ин касби хонаводагиро аз худ намоянд ва мустақилона ба кор ҷалб гарданд. Дастгоҳҳои мазкур дар маҳаллаи Абдушукуроваи шаҳри Кӯлоб васл гардида, 20 нафар хоҳишмандон ба омӯзиш фаро гирифта шудаанд. Ин дуюмин коргоҳи омӯзишӣ дар шаҳри Кӯлоб буда, дар рӯзҳои наздик дар маҳалла ва ҷамоатҳои деҳот ифтитоҳи чунин коргоҳҳо  дар назар аст.

Тавре  Саида Нурляминова, мудири бахши кор бо занони шаҳр  иттилоъ  дод,   ба коргоҳ мутахассисони соҳибтаҷриба аз маркази истеҳсолии Навгилеми шаҳри Исфара ҷалб гардида, давоми як моҳ ба духтарон касби бофандагӣ меомӯзонанд.

«Дар шаҳри Кӯлоб  ҳунарҳои мардумӣ аз байн нарафта, баръакс рушд мекунанд. Аз ҷумла, ҳунарҳои чакану кашидадӯзӣ, зардӯзию заргарӣ, сабадбофӣ, кулолгарӣ ва дигар ҳунарҳои халқиро бонувон пайваста ривоҷ медиҳанд», — илова намуд Саида Нурляминова.

Ба гуфтаи мутахассисон, ашёи хом барои атласу адрасбофӣ аз вилояти Суғд дастрас гардида, дар нақша аст, ки барои пурра таъмин намудани коргоҳҳои вилояти Хатлон дар маркази вилоят истеҳсоли ашёи хомро ба роҳ монанд.

 

Май 2, 2017 16:40

Хабарҳои дигари ин бахш

Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд