Ҷиҳод қатли модару хоҳар ва кӯдакони мазлум нест, ҷиҳод дар роҳи некию накӯкорӣ ва ободонӣ ҷаҳд кардан аст!

Май 11, 2017 11:30

ДУШАНБЕ, 11.05.2017. /АМИТ «Ховар»/. Дирӯз бо иштироки Аниса Ҷалилӣ, муовини раиси ноҳияи Ашт, Зафар Мамадҷонов, мудири шуъбаи рушди иҷтимоӣ ва робита бо ҷомеаи дастгоҳи раиси ноҳияи Ашт, Файзулло Баротзода, директори Маркази исломшиносии назди Президенти Ҷумҳурии Тоҷикистон, Маҳмуд Сангалиев, мутахассиси Раёсати фатвои Маркази исломшиносӣ ва Фирдавс Салимов, мутахассиси пешбари Раёсати ҷавонон, варзиш ва сайёҳии вилояти Суғд бо сокинон ва ҷавонони ҷамоатҳои  Понғоз, Меҳробод, Пунук ва Ашт оид ба пешгирӣ кардани сокинон аз равияҳои дорои хусусияти террористӣ ва экстремистӣ вохӯрӣ баргузор гардид.

Тавре аз Мақомоти иҷроияи ҳокимияти давлатии ноҳияи Ашт хабар доданд, Зафар Мамадҷонов иброз дошт, ки мақсад аз роҳандозии вохӯрӣ бо сокинон пешгирии ин зуҳуроти номатлуб ва маълумот додан дар бораи равияҳои террористӣ ва оқибатҳои нанговари он мебошад.

Файзулло Баротзода, директори Маркази исломшиносии назди Президенти Ҷумҳурии Тоҷикистон гуфт, ки имрӯз аксари ҷавонони мо мехоҳанд дар донишгоҳҳои олии кишварҳои хориҷ таҳсил намоянд, аммо бархе аз онҳо иштибоҳан ва ё бо хости худ дар кишварҳои исломӣ таълимоти динӣ мегиранд, ки ин ба ақидаҳои мазҳаби ҳанафӣ рост намеояд.

Маҳмуд Сангалиев, мутахассиси Раёсати фатвои Маркази исломшиносӣ дар мавзӯи ҳисси миллии ҷавонон чунин гуфт: «Имрӯз ҷавонон бояд барои дифои Ватани хеш камари ҳиммат банданд, ки ин қарзи ҳар як ҷавони тоҷик аст. Дар шароити ҳозира мубаллиғони гурӯҳҳои тундрав андешаи ҷавонони моро дигар карда, онҳоро гумроҳ менамоянд ва ба ҷиҳод даъват мекунанд. Аксари ҷавононе, ки имрӯз ба Сурияу Ироқ ба хотири ҷиҳод рафтаанд, дар асл иштибоҳи бузург кардаанд. Ҷиҳод қатли модар, бародар, хоҳар ва кӯдакони мазлум нест, балки ҷиҳод дар роҳи некию накӯкорӣ ва ободонӣ ҷаҳд кардан аст»,-афзуд ӯ.

 

 

 

 

Май 11, 2017 11:30

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт