Интиқоли оби нӯшокӣ дар кӯчаҳои А. Деҳлавӣ ва С. Носиров муваққатан қатъ мегардад

Май 13, 2017 12:09

Хабарҳои мавзӯъ

Дастгох

ДУШАНБЕ, 13.05.2017. /АМИТ Ховар/. Қарорҳои Раиси шаҳри Душанбе  аз 11 майи соли 2017 «Дар бораи муваққатан қатъ намудани интиқоли оби нӯшокии қубури қутраш 325 мм, воқеъ дар кӯчаи А. Деҳлавӣ»  ва «Дар бораи муваққатан қатъ намудани интиқоли оби нӯшокии қубури қутраш 425 мм, воқеъ дар кӯчаи С. Носиров» ба тасвиб расиданд.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе хабар доданд,   бо мақсади татбиқи қарорҳои Раиси шаҳри Душанбе аз 9 августи соли 2016 «Дар бораи ғолиби тендер» оид ба «Азнавсозии кӯчаи А. Деҳлавӣ (аз хиёбони Рӯдакӣ то буриши кӯчаи академик А. Адҳамов)» ва аз 27 октябри соли 2016 оид ба «Азнавсозии роҳи автомобилгарди кӯчаи С. Носиров (аз буриши хиёбони Рӯдакӣ то хиёбони Ҳ. Шерозӣ)»,  ҷиҳати пайваст намудани қубурҳои мазкур  ба қубурҳои амалкунанда тибқи нақшаи  чорабиниҳои мувофиқашудаи Муассисаи давлатии «Раёсати сохтмон, азнавсозӣ ва таъмири роҳу кӯпрукҳои шаҳри Душанбе»-и Мақомоти иҷроияи ҳокимияти давлатии шаҳри Душанбе  аз соати 8:00 рӯзи 17 то соати 8:00 рӯзи 18 майи соли 2017  дар кӯчаи А. Деҳлавӣ  ва  аз соати 8:00 рӯзи 19 то соати 8:00 рӯзи 20 майи соли 2017   дар кӯчаи С. Носиров  интиқоли оби нӯшокӣ муваққатан қатъ мегардад.

Дар ҷараёни пайваст намудани қубурҳои амалкунанда, воқеъ дар кӯчаи А. Деҳлавӣ, интиқоли оби нӯшокӣ ба қисматҳои алоҳидаи маҳаллаҳои аҳолинишини ноҳияи Шоҳмансур, хиёбони Рӯдакӣ (аз майдони 800 — солагии Москва то меҳмонхонаи «Душанбе»), кӯчаҳои Н. Муҳаммад, А. Адҳамов, Лоҳутӣ, А. Деҳлавӣ ва маҳаллаҳои Чехов  ва дар кӯчаи С. Носиров, интиқоли оби нӯшокӣ ба қисматҳои алоҳидаи маҳаллаҳои аҳолинишини ноҳияи Исмоили Сомонӣ, кӯчаҳои С. Носиров, М. Турсунзода, Ҳ. Маҳмудов, М. Қурбонов, Ш. Шоҳтемур, Бохтар, Қ. Раҳимов, Ш. Руставелӣ, Ф. Ниёзӣ, Л. Шералӣ, гузаргоҳи якум ва дуюми кӯчаи М. Холов, Ф. Шаҳобов, Л. Толстой, М. Миршакар, Аҳрорӣ, Б. Раҳимзода, Ойгул, А.Командир, Шевченко, Шероз, Бухоро, Теҳрон ва хиёбони Исмоили Сомонӣ қатъ мегардад.

Аз истифодабарандагони об дар  кӯчаю хиёбон ва  маҳаллаҳои зикргардида хоҳиш карда мешавад, ки миқдори зарурии  оби нӯшокиро барои як шабонарӯз захира намоянд.

Раиси шаҳр бо ин қарорҳо раисони ноҳияҳои Шоҳмансур, Исмоили Сомонӣ ва директори Корхонаи воҳиди давлатии «Обу корези Душанбе»-ро  вазифадор намуд, ки  дар давраи иҷрои корҳои нақшавӣ бо истифода аз мошинҳои обкаш сокинони маҳаллаҳои номбурдаро бо оби нӯшокӣ таъмин намоянд.

Ҳамчунин,  Маркази назорати давлатии санитарию эпидемиологии шаҳри Душанбе муваззаф гардид, ки сифати оби нӯшокиро мутобиқи талаботи санитарию эпидемиологӣ таҳти назорат қарор диҳад.

 

 

 

Май 13, 2017 12:09

Хабарҳои дигари ин бахш

рузи хифзи кудакон«Мо ғунчаҳои баҳори Ваҳдатем» — барномаи идона бахшида ба Рӯзи байналмилалии ҳифзи кӯдакон дар шаҳри Душанбе
Рустами Эмомали -97Дар Душанбе амалиёти «Кӯкнор-2017» роҳандозӣ мегардад
20170525_094532Масъулини шаҳри Душанбе: «Барои бо нархи дастрас таъмин намудани сокинони шаҳр бо маҳсулоти мавриди ниёзи аввал дар моҳи шарифи Рамазон шароит фароҳам оварда шудааст»
ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
DSC_0210+Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0759+Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд