Исфара: Иштирокчиёни Ҷанги дуюми ҷаҳонӣ қадршиносӣ шуданд

Май 8, 2017 11:52

ДУШАНБЕ, 06.05.2017./АМИТ «Ховар»/. Ба ҳар кадом аз 15 нафар собиқадорони иштирокчиёни Ҷанги дуюми ҷаҳонӣ аз Исфара ба шарафи 72-юмин солгарди Рӯзи Ғалаба кумаки якдафъаинаи Пешвои миллат Эмомалӣ Раҳмон, ки аз 3000 сомонӣ иборат буд, ҳадя гардид. Номаҳои муборакбодӣ ва кумакҳоро ба зафармардони Исфара намояндаи Ҳукумати Ҷумҳурии Тоҷикистон, раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абдуллозода ва Раиси шаҳри Исфара Дилшод Расулзода тақдим намуданд.
Дар ин бора аз дафтари матбуоти раиси шаҳри Исфара Иқбол Тешаев ба хабарнигори АМИТ «Ховар» хабар дод.
Ба иттилои манбаъ, ҳамчунин дирӯз ба собиқадорони ҷангу меҳнат туҳфаҳои идонаи Раиси вилояти Суғд Абдураҳмон Қодирӣ иборат аз 1500 сомонӣ ва ҳадяи раиси шаҳри Исфара Дилшод Расулзода дар ҳаҷми 600 сомонӣ супорида шуданд.
Бояд тазаккур дод, ки ба ифтихори ҷашни Ғалаба 28 нафар аъзои оилаҳои камбизоати шаҳр низ аз ин гуна таваҷҷуҳу ғамхории идонаи роҳбарияти давлату ҳукумат баҳраманд гардиданд.
Тазаккур бояд дод, ки аз шаҳру деҳоти Исфара 7389 нафар ба ҷабҳаҳои ҷанг сафарбар гардида, 1049 нафарашон ҷони худро қурбон кардаанд.
Аз 5440 нафар ҷавонмардони ба Ватан баргаштаи Исфара, ки минбаъд барои пешрафти ҷомеа ва рӯзгори ободу осудаи имрӯзаи мо заҳмат кашидаанд, дар айни ҳол 15 нафар давлати пирӣ меронанд.
Муборакбодиҳои идона, дидорбиниву аёдат ва қадршиносии родмардони майдони мубориза бо фашизм аз ҷониби роҳбарияти 12 ҷамоати шаҳраку деҳот, вакилони маҷлисҳои вилоятӣ ва шаҳрӣ, сарварони ҷомеаҳои меҳнатӣ ва соҳибкорони саховатпешаи Исфара идома доранд.

Исфара ЧБВ Исфара ЧБВ 3

Май 8, 2017 11:52

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт