Китобҳои арзишманди Пешвои миллат метавонанд дар ташаккули афкори ҷавонон нақши муассир гузоранд

Май 25, 2017 13:57

ДУШАНБЕ, 25.05.2017 /АМИТ «Ховар»/. «Нақши асарҳои илмӣ-оммавии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон дар рушди афкори ҷавонон»- таҳти чунин унвон имрӯз дар Китобхонаи миллии Тоҷикистон конференсияи муштараки илмӣ -амалӣ баргузор гардид.

Зоир Раҳмонзода, раиси Кумитаи иҷроияи Ҳизби Халқии Демократии Тоҷикистон  дар шаҳри Душанбе иброз дошт, ки  «гузаштагони мо  дар эҷодиёти худ нисбат ба афзалияту моҳияти китоб-  ин ганҷинаи бебаҳо таваҷҷуҳи махсус зоҳир намуданд, ки мутолиаи он аз манфиат холӣ нахоҳад  буд.  Бо назардошти омилҳои мазкур Пешвои миллат дар масъалаҳои гуногуни ҷомеа  ва таърихи халқамон китобҳои зиёд ба нашр расониданд, ки омӯзиши саривақтии онҳо дар ташаккули давлатдории миллӣ ва ҳамзамон тақвияти афкори ҷавонон нақши арзишманд мегузорад».

Дар конференсияи муштараки илмӣ-амалӣ,  ки ба ифтихори Соли ҷавонон  доир гардид, иштирокдорону маърӯзакунандагон   асосан ҷавонону донишҷӯён буданд. Дар конференсия  доир ба  китобҳои «Тоҷикон дар оинаи таърих, аз Ориён то Сомониён», «Забони миллат — ҳастии миллат», «Ҷавонон- созандагони фардои ҷомеа» ва  «Чеҳраҳои мондагор» музокира сурат гирифт.

Ёдовар мешавем, ки дар Конференсияи муштараки илмӣ -амалӣ, ки бо ташаббуси Кумитаи иҷроияи ҲХДТ дар шаҳри Душанбе  ва Китобхонаи миллии Тоҷикистон доир гардид, намояндагон аз Парлумон, Мақомоти иҷроияи ҳокимияти давлатии шаҳри Душанбе, Маркази тадқиқоти стратегии назди Президенти Ҷумҳурии Тоҷикистон, роҳбарони донишгоҳу донишкадаҳои олии кишвар ва  донишҷӯёну ҷавонони фаъоли кишвар ширкат намуда, андешаҳои худро зимни музокираҳо изҳор доштанд.

Ба андешаи муовини директори Китобхонаи миллии Тоҷикистон Салима Раҷабова,  ҳадафи конференсияи муштараки илмӣ-амалии «Нақши асарҳои илмӣ-оммавии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон Эмомалӣ Раҳмон дар рушди афкори ҷавонон»-  ин бедор намудани завқи  ҷавонон ба омӯзиши китобҳои илмиву бадеӣ, таблиғу аз бар намудани китобҳои арзишманди Пешвои миллат мебошад, ки он метавонад дар ташаккули афкори ҷавонон нақши муассир гузорад.

IMG_0016

 

Май 25, 2017 13:57

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд