Кормандони Раёсати адлияи ВМКБ дар остонаи Рӯзи Ваҳдати миллӣ ба бинои сеошёна мекӯчанд

Май 13, 2017 12:08

ХОРУҒ, 13.05.2017. /АМИТ  «Ховар»/. Корҳои сохтмонӣ дар бинои нави Раёсати адлияи Вилояти Мухтори Кӯҳистони Бадахшон хуб ҷараён доранд. Муҳандиси Ҷамъияти масъулияташ маҳдуди «Хуҷаназар» Хушмамад Мародмамадов мегӯяд, ки «бино аз се ошёна иборат буда, таҳхона ва қабати аввали он сохта шудаанд ва ҳоло коргарон ба бунёди  ошёнаи сеюми бино машғул мебошанд. Арзиши умумии сохтмон каме бештар аз 3 миллион аст ва онро Вазорати адлияи ҷумҳурӣ ҷудо намудааст. Масолеҳи сохтмониро сари вақт аз шаҳри Душанбе мефиристанд ва мутобиқи нақша он дар арафаи 20 — солагии Рӯзи Ваҳдати миллӣ ба истифода дода мешавад».

Барои бунёди бинои мазкур 22 нафар коргарони маҳаллӣ ҷалб шудаанд ва аксарияти онҳо соҳиби шаҳодатномаи тахассусӣ мебошанд, ки қаблан дар бунёди чандин иншооти таъйиноти гуногун саҳм гузоштаанд.

Ба гуфтаи сардори Раёсати адлияи вилоят Зиёратшоҳ Ғайратшоҳзода, ин бино дорои 21 утоқи корӣ ва ду маҷлисгоҳ буда, дар ошёнаи якуму дуюм кормандони шуъбаи сабти асноди ҳолати шаҳрвандӣ, иҷрочиёни суд ва нотариалии вилоят ҷо мегиранд. Ошёнаи сеюм дар ихтиёри кормандони Раёсати адлияи вилоят мебошад.

Сардори Раёсати вилоят гуфт, ки ҳоло сохтмони бино барои кормандони  бахши ноҳиявии ин Раёсат дар ноҳияи Мурғоб низ бо харҷи зиёда аз як миллион сомонӣ  идома дорад ва  бинокорони Ҷамъияти масъулияташ маҳдуди «Суғд-СХ» тасмим гирифтаанд, ки онро дар семоҳаи сеюми соли равон мавриди баҳрабардорӣ қарор диҳанд.

 

Май 13, 2017 12:08

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт