Мақомоти иҷроияи ҳокимияти давлатии шаҳри Душанбе ба иштирокчиён ва маъюбони Ҷанги дуюми ҷаҳонӣ 1500 сомонӣ ҷудо намуд

Май 5, 2017 11:12

Хабарҳои мавзӯъ

Рустами Эмомали поздравил

ДУШАНБЕ, 05.05.2017 /АМИТ «Ховар»/. Раиси шаҳри Душанбе Рустами Эмомалӣ қарори навбатии худро «Дар бораи омодагӣ ва таҷлили ҷашни 72-юмин солгарди Рӯзи Ғалаба дар Ҷанги Бузурги Ватании солҳои 1941-1945» ба имзо расонид.
Тавре аз Раёсати иттилоот ва равобити хориҷии дастгоҳи Раиси шаҳри Душанбе хабар доданд, тибқи қарори мазкур, сардори Сарраёсати молияи шаҳри Душанбе М. Убайдзода вазифадор гардид, ки аз ҳисоби маблағҳои фонди захиравии Раиси шаҳри Душанбе барои расонидани кумакпулии якдафъаина ба иштирокчиёни Ҷанги дуюми ҷаҳонии солҳои 1941-1945, ба ҳамсарони ҷанговарони дар Ҷанги дуюми ҷаҳонӣ ҳалокгардида ба ҳар кадоме 1500 сомонӣ ва ба шахсони бо ордену медалҳои Иттиҳоди ҷумҳуриҳои шӯравии сотсиалистӣ барои меҳнати фидокорона ё хизмати бенуқсони ҳарбӣ дар ақибгоҳ дар солҳои Ҷанги дуюми ҷаҳонӣ сарфарозгардида, шахсоне, ки зиёда аз шаш моҳ дар ақибгоҳ кор кардаанд, маъюбони амалиёти ҷангӣ дар қаламрави давлатҳои дигар, маъюбони садамаи Неругоҳи барқӣ-атомии Чернобил, оилаҳои шахсони ҳангоми ҳимояи сохти конститутсионӣ ҳалокгардида, ки дар шаҳри Душанбе истиқомат мекунанд, ба ҳар кадоме 800 сомонӣ ҷудо намояд.
Ба муовинони раиси шаҳр супориш дода шуд, ки маблағҳои ҷудошуда аз номи Мақомоти иҷроияи ҳокимияти давлатии шаҳри Душанбе бевосита ба иштирокчиён ва маъюбони Ҷанги дуюми ҷаҳонӣ, ки дар шаҳри Душанбе истиқомат доранд, зимни аёдат дар манзили истиқоматиашон дар рӯзҳои муайянгардида ё дар чорабиниҳои тантанавӣ тақдим карда шаванд.
Қарори мазкур бо мақсади пос доштани хотира, арҷ гузоштан ба корнамоиҳои иштирокчиёни Ҷанги дуюми ҷаҳонӣ, дастгирии иҷтимоии иштирокчиёни Ҷанги дуюми ҷаҳонии солҳои 1941-1945 ва шахсони ба онҳо баробаркардашуда, маъюбони садамаи Неругоҳи барқӣ-атомии Чернобил ва амалиёти ҷангӣ дар қаламрави давлатҳои дигар, оилаи шахсоне, ки ҳангоми ҳимояи сохти конститутсионӣ ҳалок гардидаанд, инчунин барои дар сатҳи зарурӣ баргузор намудани чорабиниҳо ба ифтихори 72-юмин солгарди Рӯзи Ғалаба дар Ҷанги дуюми ҷаҳонии солҳои 1941-1945 ба тасвиб расид.

Май 5, 2017 11:12

Хабарҳои дигари ин бахш

рузи хифзи кудакон«Мо ғунчаҳои баҳори Ваҳдатем» — барномаи идона бахшида ба Рӯзи байналмилалии ҳифзи кӯдакон дар шаҳри Душанбе
Рустами Эмомали -97Дар Душанбе амалиёти «Кӯкнор-2017» роҳандозӣ мегардад
20170525_094532Масъулини шаҳри Душанбе: «Барои бо нархи дастрас таъмин намудани сокинони шаҳр бо маҳсулоти мавриди ниёзи аввал дар моҳи шарифи Рамазон шароит фароҳам оварда шудааст»
ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
DSC_0210+Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0759+Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд