Мубодилаи мол байни Тоҷикистону Чин дар соли 2020 ба 3 миллиард доллар расонида хоҳад шуд

Май 15, 2017 17:08

Хабарҳои мавзӯъ

Ш. Зухуров ва Пан Юнхе

ДУШАНБЕ, 15.05.2017/АМИТ «Ховар»/. «Мубодилаи мол байни Тоҷикистону Чин дар соли гузашта бо назардошти таъсири равандҳои буҳрони молиявӣ ба андозаи 30 фоиз коҳиш ёфт. Дар робита ба ин мо омода ҳастем барои дар соли 2020 то 3 миллиард доллари амрикоӣ расонидани табодули тиҷоратии дуҷониба тадбирҳои муштарак андешем». Ин матлаб зимни мулоқоти Раиси  Маҷлиси  намояндагони Маҷлиси Олии Ҷумҳурии Тоҷикистон Шукурҷон Зуҳуров бо Раиси комиссия оид ба корҳои хориҷии кумитаи умумичинии Шӯрои халқии сиёсӣ ва машваратии Ҷумҳурии Мардумии Чин Пан Юнхе зикр шуд.

Ш. Зуҳуров таъкид кард, ки Тоҷикистон ҷараёни корҳои ҳавасмандгардониро барои ҷалби бештари ширкатҳои чинӣ ба иқтисоди кишвар идома дода, фазои мусоиди сармоягузориро  таъмин менамояд. «Дар ин замина мо ташаббусҳои таъсиси минтақаи озоди тиҷоратиро бо  Чин ба таври ҷиддӣ баррасӣ хоҳем кард»,-зикр кард Ш. Зуҳуров.

Зикр шуд, ки Тоҷикистон бо таваҷҷуҳи бештар содироти маҳсулоти кишоварзӣ, хусусан лимӯ, хурмо, ангур ва дигар навъҳои меваю сабзавоти тозаро ба Чин тақвият бахшиданист. Аз ин рӯ, мо ба имзои Протоколи талаботи фитосанитарии байни Вазорати кишоварзии Ҷумҳурии Тоҷикистон ва Сарраёсати давлатии назорати техникӣ ва карантинии маҳсулоти  Чин  дар рӯзҳои наздик умедвор ҳастем.

Таъкид шуд, ки  бо назардошти он, ки ҳамкории дуҷониба дар самти боркашонӣ низ густариш пайдо кардааст, маросими имзои Созишномаи дуҷониба оид ба ҳамкорӣ ва мусоидати тарафайн дар умури гумрукӣ бояд вусъат дода шавад.

Ҷониби Тоҷикистон омода аст, ки лоиҳаи Созишномаи мазкурро дар замони барои  ҷониби Чин мувофиқ имзо намояд.

Май 15, 2017 17:08

Хабарҳои дигари ин бахш

Бонки миллиБонки миллии Тоҷикистон вазъи имрӯзаи бозори дохилии асъорро шарҳ дод
IMG_0381Муаррифии Стратегияи миллии рушди Тоҷикистон барои давраи то соли 2030 дар Брюссел
Парчами Точикистону Арабистони СаудиСозишномаи қарзӣ баҳри татбиқи лоиҳаи «Сохтмон ва муҷаҳҳазгардонии як қатор мактабҳои миёна, марҳалаи 4» миёни Ҳукумати Тоҷикистон ва Сандуқи Рушди Саудӣ
18518979_1463220237061632_38806735_oДар Ҷидда Созишномаи қарзӣ барои татбиқи лоиҳаи «Сохтмони роҳи мошингузари Кӯлоб- Қаълаихумб, минтақаҳои A ва F» ба имзо расид
DSC_0381+Дар «Кохи Борбад» намоиш-фурӯши маҳсулоти ширкатҳои ватанӣ доир шуд
БМБонки миллӣ фаъолияти ташкилотҳои қарзии «Асрина» ва «Армон»-ро қатъ гардонид
????????????????????????????????????Баррасии дурнамои рушди бозори байнибонкӣ дар Тоҷикистон
????????????????????????????????????Ҳамкории Бонки миллии Тоҷикистон ва Иттиҳод оид ба дастрасии молиявӣ (AFI)
Форуми Сохбкорони КАЗ+ТОЧ (14)Қазоқистон баъд аз Россия ва Чин дар рушди иқтисоди Тоҷикистон ҷойгоҳи арзишманд дорад
Форуми Сохбкорони КАЗ+ТОЧ (5)Ба имзо расидани қарордод ба маблағи $ 3 миллион байни «Amitech Astana» ва «ПластСервис»-и Тоҷикистон
Бизнес Форум (2)Дар Душанбе имкониятҳои иқтисодию тиҷоратии Тоҷикистону Ӯзбекистон муаррифӣ шуданд
Доллар-0Шарҳи навбатии Бонки миллии Тоҷикистон оид ба вазъи қурби пули миллӣ ва бозори дохилии асъор