Мусобиқа оид ба футбол барои дарёфти Ҷоми «Сафорати Ҷумҳурии Тоҷикистон дар Ҷумҳурии Қирғизистон»

Май 1, 2017 17:17

Хабарҳои мавзӯъ

Мусобиқа оид ба футбол барои дарёфти Ҷоми «Сафорати Ҷумҳурии Тоҷикистон дар Ҷумҳурии Қирғизистон» (1)

ДУШАНБЕ, 01.05.2017. /АМИТ «Ховар» /. 29 апрел дар шаҳри Бишкек мусобиқа оид ба футбол байни шаҳрвандони Тоҷикистон барои дарёфти Ҷоми «Сафорати Ҷумҳурии Тоҷикистон дар Ҷумҳурии Қирғизистон» баргузор шуд.

Тавре ба АМИТ «Ховар» аз Сафорати Тоҷикистон дар Қирғизистон хабар доданд,  мусобиқаи мазкур ба Соли ҷавонон ва 20 – солагии Рӯзи Ваҳдати миллӣ бахшида шуда буд.

Дар расми ифтитоҳи мусобиқа Сафири Фавқулода ва Мухтори Ҷумҳурии Тоҷикистон дар Ҷумҳурии Қирғизистон Сӯҳроб Олимзода зикр намуд, ки ин мусобиқа ба донишҷӯён имконият медиҳад, ки бо ҳамдигар беҳтар шинос шаванд ва дӯстии байни ҷавонон мустаҳкам карда шавад.  Ин мусобиқа   дар мустаҳкам кардани дӯстӣ байни халқҳо ва кишварҳо нақши муҳим мебозад. Сафир ба иштирокчиёни мусобиқа муваффақиятҳои варзишӣ таманно кард.

Мақсади асосии мусобиқа ташвиқи тарзи ҳаёти солим байни донишҷӯёни тоҷик, ки дар муассисаҳои олии таълимии Қирғизистон таҳсил менамоянд, ҷалби бештари иштирокчиён ба мусобиқаҳои варзишӣ, ташвиқи футбол ҳамчун яке аз воситаҳои таълими варзишӣ, баланд бардоштани сатҳи касбияти бозингарон ва мустаҳкам кардани алоқаҳои дӯстӣ байни ҷавонони Тоҷикистон буд.

14 даста аз ҳисоби донишҷӯёни Тоҷикистон, ки дар муассисаҳои олии таълимии Ҷумҳурии Қирғизистон таҳсил менамоянд, иштирокчиёни мусобиқа шуданд. Дар охир ба дастаҳои ғолиб дар маросими тантанавӣ ҷом, медалҳо, пардохтҳои пулӣ ва ифтихорномаҳои фахрӣ супорида шуданд.

Май 1, 2017 17:17

Хабарҳои дигари ин бахш

khujand-istiklol4Имрӯз дастаи «Истиқлол» бо «Хуҷанд» бозӣ мекунад
наврасонФутболбозони навраси тоҷик дар мусобиқаи байналмилалии Сочи иштирок мекунанд
1495606628_bez-imeni-17 нафар дзюдочӣ аз Тоҷикистон дар Чемпионати Осиё ширкат мекунанд
ДАСТАИ ВАХДАТЛигаи аввали футболи Тоҷикистон: «Ваҳдат» бар дастаи «Локомотив-Помир» ғалаба кард
Бозихои хамбастагии исломиzurhonaВарзишгарони тоҷик дар Бозиҳои ҳамбастагии исломӣ 4 медал ба даст оварданд
DSC_0814Ғолибони Дави миллӣ муайян шуданд
Дав--2006 (1)Дар Тоҷикистон пагоҳ Рӯзи Дави миллӣ баргузор мегардад
dordoi-istiklol«Истиқлол» дастаи «Дордой»-и Қирғизистонро бо ҳисоби калони 4:1 шикаст дод
0012Дар маҷмааи «Динамо» мусобиқаи байналмилалӣ оид ба гӯштини тарзи юнонию румӣ оғоз шуд
Истиклол ба пешҶоми AFC-2017: имрӯз бозии байни дастаҳои «Истиқлол» ва «Дордой» доир мешавад
МусобикаСуҳроб Боқиев дар Ҷоми Аврупо оид ба дзюдо соҳиби медали нуқра гардид
Джахонгир МаджидовВарзишгарони ҷавони тоҷик дар Ӯзбекистон соҳиби нуҳ медал гардиданд