Ҷоми Кумитаи иҷроияи ҲХДТ дар ноҳияи Синоро кӣ ба даст овард?

Май 12, 2017 09:05

ДУШАНБЕ, 12.05.2017 /АМИТ «Ховар»/. Бо мақсади дарёфти «Ҷоми Кумитаи иҷроияи Ҳизби Халқии Демократии Тоҷикистон дар ноҳияи Сино» мусобиқаи варзишӣ аз рӯи намуди баскетбол байни донишҷӯдухтарони мактабҳои олӣ ва коллеҷу литсейҳои ҳудуди ноҳияи Сино баргузор гардид.

Тавре хабарнигори АМИТ «Ховар» иттилоъ дод, мусобиқаи мазкурро Кумитаи иҷроияи Ҳизби Халқии Демократии Тоҷикистон дар ноҳияи Сино дар толори варзишии Муассисаи таҳсилоти миёнаи умумии №101 доир намуд.

Дар  маросими кушодашавии мусобиқа Раиси Кумитаи иҷроияи ҲХДТ дар ноҳияи Сино Зарина Файзуллозода варзишгаронро бо Соли ҷавонон табрик намуда, зикр кард, ки  «бо шарофати соҳибистиқлолии кишвар ва сиёсати  хирадмандонаву бобарори Пешвои миллат бонувон  дар ҳамаи бахшҳои шохаҳои ҳокимият  фаъолият доранд.  Мусобиқаи варзишии имрӯза низ бо мақсади ҷалби ҷавондухтарон ба варзиш ва тарбияи ҷисмонии онҳо  равона гардида, ҳадафи он оммавӣ гардонидани варзиш байни ҷавондухтарон мебошад».

Мусобиқа  бо иштироки дастаҳои духтаронаи Коллеҷи тиббии ҷумҳуриявӣ ва Коллеҷи тарбияи ҷисмонӣ оғоз гардид.

Ҳамин тариқ байни донишҷӯдухтарони мактабҳои олӣ мақоми аввалро дастаи Донишкадаи тарбияи ҷисмонии Тоҷикистон ба номи С. Раҳимов, ҷойи дуюмро дастаи Донишкадаи забонҳои Тоҷикистон, дастаи Донишкадаи молия ва иқтисоди Тоҷикистон ва ҷои сеюмро Донишкадаи фарҳанг ва санъати Тоҷикистон ба номи М. Турсунзода ишғол карданд.

Байни донишҷӯдухтарони коллеҷҳо ҷойи якумро дастаи Коллеҷи тарбияи ҷисмонӣ ва мақоми дуюмро дастаи Коллеҷи тиббии ҷумҳуриявӣ ба даст оварданд.

Дар байни хонандагони литсейҳо ҷойи якумро дастаи Литсей-интернати президентӣ барои кӯдакони болаёқат, зинаи дуюмро дастаи Литсей-интернати махсуси маъбон ва мақоми сеюмро дастаи Литсеи №2 барои хонандагони болаёқати шаҳри Душанбе  сазовор гардиданд.

Тавре муовини Раиси Кумитаи иҷроияи ҲХДТ дар ноҳияи Сино изҳор намуд, ба ғолибони мусобиқа дар арафаи таҷлили Рӯзи ҷавонон Ҷоми Кумитаи иҷроияи ҲХДТ дар ноҳияи Сино ва ифтихорномаву туҳфаҳои хотиравӣ тақдим карда мешаванд.

 

 

Май 12, 2017 09:05

Хабарҳои дигари ин бахш

Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»
ҶОМИ ҶАҲОН-2026. Имрӯз дастаи мунтахаби Тоҷикистон дар марҳилаи интихобӣ бо тими Арабистони Саудӣ бозӣ менамояд
ҶОМИ ҶАҲОН-2026. Дастаи мунтахаби Тоҷикистон оид ба футбол дар шаҳри Риёз нахустин тамринҳоро анҷом дод