Рӯзҳои фарҳанги Ӯзбекистон дар Душанбе бо намоиши аккосии «Ӯзбекистони муосир» оғоз меёбанд
ДУШАНБЕ, 02.05.2017/АМИТ «Ховар»/. Равобити фарҳангӣ байни ду кишвари ҳамҷавор — Тоҷикистон ва Ӯзбекистон беш аз пеш густариш меёбанд. Дар ин росто шоми 10 май дар Театри давлатии академии опера ва балети ба номи С. Айнӣ Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон зимни маросими ботантана бо намоиши санъати тасвирӣ ва аккосӣ таҳти унвони «Ӯзбекистони муосир» ифтитоҳ мегарданд.
Бинобар иттилои Вазорати фарҳанги Ҷумҳурии Тоҷикистон, дар доираи ин намоиши фарҳангӣ Ҳунармандони халқии Ӯзбекистон Ғуломҷон Ёқубов, Маҳмуд Намозов, сароянда ва актрисаи маъруф Севинҷ Мӯминова ва Ансамбли давлатии тарона ва рақси «Ӯзбекистон» ба Тоҷикистон ташриф меоранд.
Интизор меравад, ки дар доираи баргузории Рӯзҳои фарҳанги Ӯзбекистон ҳамзамон Рӯзҳои кинои Ӯзбекистон бо намоиши филми «Ота» / «Падар»/ оғоз шавад. Инчунин ҳунармандони ӯзбек ба маркази маъмурии вилояти Хатлон сафар карда, барномаи рангини консертиро пешкаши сокинон ва меҳмонони шаҳри Қӯрғонтеппа мегардонанд.
Рӯзҳои фарҳангии Ҷумҳурии Ӯзбекистон дар Ҷумҳурии Тоҷикистон то 13 май идома ёфта, ҳадаф аз онҳо густариши равобити фарҳангӣ байни ду кишвари дӯсту бародар ва ҳамсоя арзёбӣ мегардад.
Дар аксҳо: Ҳунармандони халқии Ӯзбекистон Ғуломҷон Ёқубов, Маҳмуд Намозов, сароянда ва актрисаи маъруф Севинҷ Мӯминова ва лаҳза аз филми «Ота» («Падар»).
Дар Душанбе оид ба рушди ҳамкории мамлакатҳои Осиёи Марказӣ дар бахши обу энергетика конференсияи байналмилалӣ доир мегардад
САДРИДДИН АЙНӢ-БУНЁДГУЗОРИ АДАБИЁТИ НАВИНИ ТОҶИК. Дар Академияи миллии илмҳои Тоҷикистон конференсияи илмӣ-адабӣ гузаронида шуд
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
